Исламот во Белорусија

Исламот во Белорусија има долга историја. Тој беше воведен на територијата на денешна Белорусија од Татарите-Липки во периодот од 14-16 век. Од 2007 година, 45,000 муслимани живеат во Белорусија и претставуваат 0.5% од вкупното население.^[1]

Џамијата во Навагрудак.

Модерно време

Во 1994 година, бил одржан Првиот себелоруски конгрес на муслиманите. Како резултат на ова, беше основана Исламската верска заедница на Република Белорусија на чело со д-р Исмаил Александрович.

Во 1997 имало 23 муслимански заедници, вклучувајќи ги 19-те во западните региони на Белорусија.

Белорусија е единствената земја во Европа во која уредник на весник бил затворен поради објавувањето на данските карикатури на исламскиот пророк Мухамед. На 18 јануари 2008 година, Александар Сдвижков добил казна затвор во траење од три години поради "поттикнување на верска омраза".^[2]

Денес постојат џамии во Смилавичи, Ивје, Слоним и Навагрудак во Гродненската област; во Клецк во Минската област; и во Видзи во Витепската област.^[3] Во периодот од 1900 до 1902 година била изградена џамија во Минск. Шеесет години подоцна таа била уништена од страна на комунистите. На 11 ноември 2016 година реплика на џамијата била изградена во Минск.^[4]

Галерија

• 
  Татарски гробишта во Белорусија.
• 
  Џамијата во Ивје
• 
  Џамијата во Смилавичи
• 
  Џамијата во Минск (уништена во 1962 година)

Поврзано

• Религија во Белорусија
• Слободата на религија во Белорусија

Наводи

1. https://web.archive.org/web/20070312091331/http://belarus.vneshintourist.net/?p=67&more=1&c=1
2. Norris, Harry (2009). Islam in the Baltic. I.B. Tauris: London. p. 130. ISBN 978-1-84511-587-6
3. Moslems in Belarus Prepare to Celebrate Muhammad's Birthday Архивирано на 5 јуни 2014 г.
4. „7 Facts About Minsk Mosque That Will Be Open By Belarus And Turkey Presidents Today“. Архивирано од изворникот на 2018-07-17. Посетено на 2018-05-26.

Надворешни врски

• Белоруската катедралска џамија Архивирано на 27 октомври 2020 г.
• Исламската религија и култура во Белорусија