Илевенсез

Во Обединетото Кралство и Комонвелтот, Илевенсез (англ. elevenses) е вид ужина слична на попладневниот чај, но се јаде претпладне. Обично овој оброк е помалку пикантен од бранчот (brunch), и може да се состои од колач или бисквити со шолја чај или кафе. Во Австралија, овој оброк се нарекува утрински чај (morning tea). Името на оброкот се однесува на времето од денот кога се јаде: околу 11 ч. претпладне. Зборот „elevenses“ се смета за старомоден и денес многу малку луѓе го нарекуваат така утринскиот чај.