From Wikipedia, the free encyclopedia
Иво Санадер (8 јуни 1953 во Сплит) — хрватски политичар кој бил осми премиер на Хрватска во периодот 2003–2009. На таа функција се задржал пет и пол години, со што е премиер со најдолг стаж од независноста на Хрватска. Тој е исто така единствен премиер кој служел во два мандати по победите на парламентарните избори во 2003 и 2007.
Иво Санадер | |
---|---|
Премиер на Хрватска | |
На должноста 23 декември 2003 – 6 јули 2009 | |
Претседател | Стјепан Месиќ |
Претходник | Ивица Рачан |
Наследник | Јадранка Косор |
Претседател на ХДЗ | |
На должноста 30 април 2000 – 4 јули 2009 | |
Претходник | Владимир Шекс |
Наследник | Јадранка Косор |
Лични податоци | |
Роден(а) | Ивица Санадер 8 јуни 1953 Сплит, СР Хрватска, СФР Југославија |
Партија | Независен (2010–сѐ уште) |
Други припадности | Хрватска демократска заедница (1989–2010) |
Сопружник | Мирјана Шариќ[1] |
Деца | Бруна Санадер Петра Санадер |
Установа | универзитет во Инсбрук |
Занимање | писател, историчар, политичар |
Вероисповед | римокатолик |
Санадер изучувал компаративна книжевност во Австрија, каде работел како новинар, советник за маркетинг и во издаваштвото. Во 1990-тите за кратко работел во администрацијата на народниот театар во Сплит, а потоа во 1992 станал министер за наука и технологија во кабинетот на премиерот Хрвое Шариниќ од владејачката Хрватска демократска заедница (ХДЗ). Во 1993 преминал во дипломатијата и служел како заменик министер за надворешни работи во два мандати (1993–1995 и 1996–2000).[2]
По смртта на Фрањо Туѓман, Санадер бил избран за водач на ХДЗ во 2000 година, и партијата ја предводел до две последователни победи на парламентарните избори во 2003 и 2007.[3] Во декември 2003 станал премиер на Хрватска, а во јуни 2009 ненадејно си поднел оставка и исчезнал од јавниот живот. Во 2010 се обидел да се врати на политичката сцена, по бил исфрлен од членството во ХДЗ.
Во декември 2010 хрватските власти иницирале две постапки во кој го сомничат Санадер за корупција. Санадер побегнал од земјата, но бил уапсен во Австрија и испорачан во Хрватска во јули 2011.[4] Во ноември 2012 бил осуден на казна затвор од 10 години,[5] но по жалбата до Врховен суд, казната му била намалена на 8 1⁄2 години. Уставниот суд ја поништил пресудата во 2015. Иако хрватските политичари биле осудувани на затвор во Југославија, Санадер бил прв премиер и највисок владин функционер кој лежел затвор.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.