Западни Фјордови
регион во Исланд / From Wikipedia, the free encyclopedia
Западни Фјордови (исландски: Vestfirðir, тр. Вестфирдир) — голем полуостров и регион во северозападниот дел на Исланд. Сместен е на Данскиот Проток и гледа кон источниот брег на Гренланд. Поврзан е со остатокот од земјата преку теснец широк 7 км помеѓу Ќилсфјердир и Питрифјердир. Подрачјето е исклучително планинско и има бројни фјордови над кои се издигаат стрмни падини. Овој стрмен и завиен терен значително го отежнува патниот сообраќај, а патиштата, покрај тоа, се затворени неколку месеци во годината поради мраз и снег. Состојбата е подобрена со изградбата на патниот тунел „Вестфјардакенк“ во 1996 г.
Западни Фјордови Vestfirðir | |
---|---|
Западните Фјордови во рамките на Исланд | |
Земја | Исланд |
Седиште | Исафјердир |
Површина | |
• Вкупна | 22.271 км2 (8,599 ми2) |
Население (2007) | |
• Вкупно | 7.300 |
• Густина | 0,3/км2 (8/ми2) |
Стрмните карпи на Лаутапјарг ја сочинуваат надголгата гнездилна колонија во северниот Атлантски Океан и ја бележат најзападната точка во Исланд. Во северниот дел на полуостровот е и ледникот Дрангајекидл, кој е петти по големина во земјата, но единствен во регионот.
Регионот е најстудениот дел на Исланд, што се должи на Источногренландската Струја.