![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/be/Eesti_Rahva_Muuseumi_peahoone_14.jpg/640px-Eesti_Rahva_Muuseumi_peahoone_14.jpg&w=640&q=50)
Естонскиот национален музеј
From Wikipedia, the free encyclopedia
Естонскиот национален музеј е збирка на етнографски, културни артефакти и предмети од народна уметност од локалната култура. Се наоѓа во градот Тарту, Естонија. Основан e во 1909 година. Тоа е музеј посветен на фолклорното наследство на Јакоб Хрт, естонската етнографија и народната уметност. Првите примероци за музејот се собрани во втората половина на 19 век.[1]
![Thumb image](http://upload.wikimedia.org/wikipedia/commons/thumb/2/22/Eesti_rahvar%C3%B5ivad-EE_1.jpg/640px-Eesti_rahvar%C3%B5ivad-EE_1.jpg)
1. Кадрина 2. Михкли 3. Сето 4.Пајсту
![Thumb image](http://upload.wikimedia.org/wikipedia/commons/thumb/6/6f/Eesti_rahvar%C3%B5ivad-EE_2.jpg/640px-Eesti_rahvar%C3%B5ivad-EE_2.jpg)
5. Муху 6. Карја 7. Тистама 8. Парну-Јагупи
Музејот ја следи историјата, животот и традициите на естонските и другите угрофински народи, како и на националните малцинства на Естонија. Постои комплетна колекција на традиционални естонски национални носии од сите региони. Колекцијата на врежани дрвени шолји за пиво ги илустрира традиционалните селски празници и викенди. Изложбата вклучува низа други ракотворби од рачно изработени теписи до ленени покривки за маса.[2]
Главната зграда на музејот била уништена во операцијата Тарту за време на Втората светска војна. Во 2005 година, Министерството за култура на Естонија и Унијата на естонски архитекти, заедно со музејот, објавиле конкурс за создавање на нова зграда за Естонскиот национален музеј.[3] Победник бил проектот на Меѓународната асоцијација на архитекти со делото Field of Memory.[4] Отворањето на новата музејска зграда се одржало во 2016 година.[5]