![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/94/%25D0%25A6%25D0%25B5%25D0%25BD%25D1%2582%25D1%2580_%25D0%25BA%25D0%25B0%25D0%25BC%25D1%2584%25D0%25BE%25D0%25BA%25D0%25B0%25D0%25BB%25D1%258C%25D0%25BD%25D0%25BE%25D0%25B9_%25D0%25BC%25D0%25B8%25D0%25BA%25D1%2580%25D0%25BE%25D1%2581%25D0%25BA%25D0%25BE%25D0%25BF%25D0%25B8%25D0%25B8.png/640px-%25D0%25A6%25D0%25B5%25D0%25BD%25D1%2582%25D1%2580_%25D0%25BA%25D0%25B0%25D0%25BC%25D1%2584%25D0%25BE%25D0%25BA%25D0%25B0%25D0%25BB%25D1%258C%25D0%25BD%25D0%25BE%25D0%25B9_%25D0%25BC%25D0%25B8%25D0%25BA%25D1%2580%25D0%25BE%25D1%2581%25D0%25BA%25D0%25BE%25D0%25BF%25D0%25B8%25D0%25B8.png&w=640&q=50)
Емпириско истражување
From Wikipedia, the free encyclopedia
Емпириското истражување е истражување со користење на емпириски докази . Истовремено тоа е и начин на стекнување на знаење преку директно и индиректно набљудување или искуство . Емпиризмот ги вреднува некои истражувања повеќе од останатите. Емпириските докази (записот на нечии директни набљудувања или искуства) може да се анализираат квантитативно или квалитативно. Квантификувајќи ги доказите или разбирајќи ги во квалитативна форма, истражувачот може да одговори на емпириски прашања, кои треба да бидат јасно дефинирани и да соодветствуваат со собраните докази (обично наречени податоци ). Дизајнот на истражувањето се разликува од областа и од прашањето што се истражува. Многу истражувачи комбинираат квалитативни и квантитативни форми на анализа за подобро да одговорат на прашања кои не можат да се изучуваат во лабораториски услови, особено во општествените науки и во образованието.
![Thumb image](http://upload.wikimedia.org/wikipedia/commons/thumb/9/94/%D0%A6%D0%B5%D0%BD%D1%82%D1%80_%D0%BA%D0%B0%D0%BC%D1%84%D0%BE%D0%BA%D0%B0%D0%BB%D1%8C%D0%BD%D0%BE%D0%B9_%D0%BC%D0%B8%D0%BA%D1%80%D0%BE%D1%81%D0%BA%D0%BE%D0%BF%D0%B8%D0%B8.png/640px-%D0%A6%D0%B5%D0%BD%D1%82%D1%80_%D0%BA%D0%B0%D0%BC%D1%84%D0%BE%D0%BA%D0%B0%D0%BB%D1%8C%D0%BD%D0%BE%D0%B9_%D0%BC%D0%B8%D0%BA%D1%80%D0%BE%D1%81%D0%BA%D0%BE%D0%BF%D0%B8%D0%B8.png)
Во некои области, квантитативното истражување може да започне со истражувачко прашање (на пример, „Дали слушањето вокална музика за време на учењето (фонд на зборови) има ефект врз подоцнежната меморија за овие зборови“) при што истото се тестира преку експериментирање. Обично, истражувачот има одредена теорија во однос на темата што се истражува. Врз основа на оваа теорија, ќе се предложат изјави или хипотези (на пр. „Слушањето вокална музика има негативен ефект врз учењето на фондот на зборови“. ). Од овие хипотези, произлегуваат предвидувањата за конкретни настани (на пр., „Луѓето кои изучуваат фонд на зборови додека слушаат вокална музика ќе запомнат помалку зборови на подоцнежниот тест за меморија отколку луѓето кои во тишина го прават истото“. ). Овие предвидувања потоа може да се тестираат со соодветен експеримент . Во зависност од резултатите од експериментот, теоријата на која се засновале хипотезите и предвидувањата ќе биде поддржана или не,[1] или можеби ќе треба да се измени и потоа да биде подложена на дополнително тестирање.