Елеганцијата на ежот

Елеганцијата на ежот (француски: L'Élégance du hérisson) — роман од француската писателка Мириел Барбери, кој бил издаден во 2006 година од страна на издавачката куќа „Gallimard“. Книгата се стекнала со бројни награди, меѓу кои и „Награда на книжарниците“ во 2007 година.

Елеганцијата на ежот

Автор	Мириел Барбери
Изворен наслов	L'Élégance du hérisson
Земја	Франција
Јазик	француски
Жанр	роман
Издавач	Gallimard
Издадена	август 2006 година
Published in English	септември 2008 година
Страници	359 страници
ISBN	2-07-078093-7
OCLC	71336412
Клас. КБ	PQ2662.A6523 E44 2006

Содржина

Самоуката куќна помошничка Рене во една елитна париска зграда ужива во магијата на уметноста, филозофијата, музиката и јапонската култура. Во истата зграда живее и богатата дванаесетгодишната Палома заситена од животот, која неуморно чита манга-стрипови, наоѓа утеха во јапонските поети и го презира целото семејство. Јапонскиот стопанственик Озу се вселува во зградата и, како и Палома, ја насетува скриената префинетост на куќната помошничка. Низ едноставна нарација, овој роман ве води во светот на богаташката извештаченост, интелектуалните клишеа и надмените сопственици на кучиња со педигре, и ги возвишува тивките победи на ненаметливите меѓу нас.

Успех

Иако критичарите слабо биле заинтересирани за почетокот од делото, романот бил изненадување за 2006 година. Всушност тој бил преиздаван 30 пати и кон август 2006 година имал повеќе од еден милион продадени примероци, заземајќи го првото место по продажба на 30 последователни недели. Романот бил преведен на 34 јазици. Во 2009 книгата на Мириел Барбери останала уште рангирана меѓу педесеттите најдобро продавани романи.

Делото немало голема реклама и единствениот начин на кој го постигнал овој спектакуларен успех се засновало на препораки меѓу читателите.

Филмска адаптација

Палома се однесува на Рене дека ја има елеганцијата на ежот

Романот послужил како основа за филмска адаптација во 2008 година, кога бил екранизиран од страна на Мона Ашаше. Филмот излегол на 3 јули 2009 година во француските кина и имал 750.000 гледања.

Надворешни врски

• Muriel Barbery Архивирано на 11 октомври 2008 г., including the author's personal blog and photos
• The Elegance of the Hedgehog at Europa Editions (US publisher)
• The Elegance of the Hedgehog Архивирано на 18 февруари 2012 г. at Gallic Books (UK publisher)
• The Elegance of the Hedgehog Архивирано на 2 март 2009 г. at Gallimard
• Le hérisson на Семрежната филмска база на податоци (англиски)