Европски атлетичари на годината

Европски атлетичар на годината е годишна награда која се доделува на најдобрите европски атлетичари во машка и женска конкуренција за изминатата година. Изборот е организиран од страна на европското раководно тело за атлетика, Европската атлетска асоцијација (ЕАА), од 1993 година.

Џонатан Едвардс бил првиот кој по вторпат ја добил наградата

Секоја година, од сите атлетски дисциплини се составува краток список со најдобрите атлетичари врз основа на остварените резултати на големите натпреварувања за изминатата година. Само во ретки околности на краткиот список може да се најдат повеќе атлетичари од иста дисциплина. Атлетичарите кои опслужиле допинг суспензија од две или повеќе години не се земаат предвид.^[1] Преку мрежното место на ЕЕА, навивачите, медиумите и членовите на земјите членки на ЕЕА имаат право да гласаат за најдобрите пет атлетичари во машка и во женска конкуренција на списокот, при што атлетичарите добиваат бодови од еден до пет врз основа на нивниот ранг. Група на експерти исто така доделуваат бодови. Гласовите од секоја од четирите споменати групи опфаќаат 25% од вкупниот резултат на атлетичарите, и атлетичарите во двете конкуренции со највисок број на вкупни бодови победуваат и ја освојуваат наградата.^[2][3]

Европски алетичар во подем во годината е награда која била воведена во 2007 година. Оваа награда, која се доделува на најдобрите атлетичари до 23 години, била воведена со цел признавање на успесите на младите натпреварувачи на нивниот пат кон сениорските натпреварувања.^[4]

Победници

Елена Исинбаева ја добила наградата во 2005 и 2008 година кога го соборувала светскиот рекорд во скок со стап

Година	Мажи	Жени
1993	Линфорд Кристи	Сали Ганел
1994	Колин Џексон	Ирина Привалова
1995	Џонатан Едвардс	Соња О'Саливан
1996	Јан Железни	Светлана Мастеркова
1997	Вилсон Кипкетер	Астрид Кумбернус
1998	Џонатан Едвардс	Кристин Арон
1999	Томаш Дворжак	Габриела Сабо
2000	Јан Железни	Трине Хатестад
2001	Андре Буше	Стефани Граф
2002	Двејн Чамберс	Суреја Ајхан
2003	Кристијан Олсон	Каролина Клифт
2004	Кристијан Олсон	Кели Холмс
2005	Виргилијус Алекна	Елена Исинбаева
2006	Френсис Обиквелу	Каролина Клифт
2007	Теро Питкемеки	Бланка Влашиќ
2008	Андреас Торкилдсен	Елена Исинбаева
2009	Филипс Идову	Марта Домингез
2010	Кристоф Леметр	Бланка Влашиќ
2011	Мо Фара	Марија Савинова
2012	Мо Фара	Џесика Енис
2013	Богдан Бондаренко[5]	Зузана Хејнова
2014	Рено Лавилени	Дафне Схиперс
2015	Грег Радерфорд	Дафне Схиперс
2016	Мо Фара	Рут Беитија
2017	Јоханес Фетер	Катерина Стефаниди

Атлетичари во подем

Првата атлетичарка во подем, Џесика Енис, станала светски шампион во седмобој во 2009 година.

Година	Мажи	Жени
2007	Андреј Хов	Џесика Енис
2008	Рафаел Холцдепе	Стефани Твел
2009	Кристоф Леметр	Каролина Бјеркели Гревдал
2010	Теди Тамго	Сандра Перковиќ
2011	Давид Шторл	Џоди Вилијамс
2012	Павел Маслак	Ангелика Бенгстон
2013	Емир Бекриќ	Анита Хинриксдотир
2014	Адам Гемили	Марија Кучина
2015	Конрад Буковицки	Ноеми Цберен
2016	Макс Хес	Нафисату Тијам
2017	Карстен Вархолм	Јулија Левченко

Наводи

Главни

• Spain's Domínguez named women's European Athlete of the Year. ЕЕА (2009-10-01). Посетено на 2009-10-02.
• Britain's Idowu named men's European Athlete of the Year. ЕЕА (2009-10-02). Посетено на 2009-10-02.

Конкретни

1. European Athlete of the Year Award nominations for 2009. ЕЕА (2009-09-14). Посетено на 2009-10-02.
2. European Athletics Rising Star Awards nominations for 2009 . ЕЕА (2009). Посетено на 2009-10-02.
3. Idowu and Domínguez win European Athlete of the Year Awards Архивирано на 5 октомври 2009 г.. ИААФ (2009-10-02). Посетено на 2009-10-02.
4. Jessica Ennis wins European Athletics Rising Star Award^{[мртва врска]}. UK Athletics (2007-09-26). Посетено на 2009-10-02.
5. Ukrainian Bondarenko announced best European Athlete of 2013, Interfax-Ukraine (14 октомври 2013)

Надворешни врски

• Мрежното место на ЕЕА