Дискографија на Ријана
From Wikipedia, the free encyclopedia
Дискографијата на барбадоската пејачка Ријана се состои од пет студиски албуми, еден видео албум, три компилации, триесет и четири синглови (вклучувајќи и еден промоционален сингл, седум како придружувачки артист и три добротворни синглови) и дваесет и пет музички видеа. Ријана за првпат се појавила на музичките топ листи во 2005 година со нејзиниот деби сингл „Pon de Replay“, веднаш откако потпишала договор со Def Jam Recordings. Нејзиниот деби албум Music of the Sun вклучува песни со различни карибски реге ритми и денс битови, придружени од урбан поп синтисајзерски звуци.[1] Вториот сингл од албумот е „If It's Lovin' that You Want“. Следната година, Ријана го издава и нејзиниот втор студиски албум, „A Girl Like Me“, кој е составен по-урбан-поп звуци, за разлика од тропското звучење на нејзиниот прв студиски албум.[2] Четири песни од A Girl Like Me беа издадени како синглови: број еден хитовите „SOS“ и „Unfaithful“, како и „Break It Off“ и „We Ride“. Придружувачкото музичко видео за „Unfaithful“ е режирано од страна на Ентони Мендлер и е првото од многуте музички видеа на кои работеле Мендлер и Ријана.
Ријана во Минеаполис на нејзината Loud турнеја во 2011. | ||
Изданија | ||
---|---|---|
↙Студиски албуми | 5 | |
↙Синглови | 34 | |
↙Видео спотови | 25 | |
↙Компилации | 3 | |
↙Видео албуми | 1 |
Во 2007 Риjана, пред да го издаде нејзиниот трет студиски албум Good Girl Gone Bad соработува со Џеј-Статус и Шонтел на песната „Roll It“. Во третиот албум се забележуваат урбаните поп звуци, но и европскиот денс-поп звук.[3] Албумот ги вклучува сингловите: „Umbrella“, „Shut Up and Drive“, „Don't Stop the Music“ и „Hate That I Love You“. Ре-издадената верзија на албумот насловена како Good Girl Gone Bad: Reloaded вклучува уште три синглови - „Take a Bow“, „Disturbia“ и „Rehab“. Помеѓу 2008 и 2009, Ријана е гостин на синглови со Maroon 5, T.I., Џеј-Зи и Канји Вест. Исто така дел е и од добротворната песна „Just Stand Up!“.
Ријана го издава нејзиниот четврти албум Rated R во ноември 2009. Албумот е доста поразличен од претходните напори и е составен од „темен“ и „зрел“ тон.[4] Rated R ги содржи песните „Wait Your Turn“, „Russian Roulette“, „Hard“ - соработка со раперот Џи-Зи, „Rude Boy“, „Te Amo“ и „Rockstar 101“- соработка со гитаристот на Guns N' Roses, Слеш. Ријана исто така се појавува на синглот на Еминем, „Love the Way You Lie“. Loud, петтиот студиски албум на Ријана е издаден во ноември 2010. Шест синглови се издадени од Loud, првите два синглови, „Only Girl (In the World)“ и „What's My Name?“- соработката со Дрејк го достигнаа првото место на американскиот Билборд Хот 100 и официјалната британска топ листа. Следните синглови од Loud се „Raining Men“- соработка со Ники Минаж и „S&M“ (кој го достигна првото место во САД). Последните две издадени песни од албумот се „Man Down“ и „California King Bed“. Денеска Ријана е еден од најпродаваните светски музичари и има продадено повеќе од 30 милиони албуми и 100 милиони синглови.[5][6]