Департмани во Колумбија
From Wikipedia, the free encyclopedia
Колумбија е унитарна република составена од 32 департмани (шпански: departamentos) и еден престолнински округ (Distrito Capital). Секој департман има свој управник (gobernador) и собрание (Asamblea Departamental), чии членови имаат четиригодишен мандат и се бираат на општонародни избори. Управникот нема право на последователни мандати. Департманите како самоуправни единици имаат извесен степен на автономија.
Секој департман се дели на општини (municipios). На чело на општината стои градоначалник (alcalde), кој раководи со неа заедно со општинскиот совет (concejo municipal). Градоначалникот и советниците имаат четиригодишен мандат.
Престолнинскиот округ се состои од главниот град Богота, кој е делумно зависен од департманот Кундинамарка што го окружува.