американска пејачка и глумица From Wikipedia, the free encyclopedia
Дав Оливија Камерон[1][2] (англ. Dove Olivia Cameron; родена како Клои Селест Хостерман (англ. Chloe Celeste Hosterman); 15 јануари 1996) ― американска пејачка и глумица. Таа била пофалена од критичарите за нејзината двојна улога на насловните ликови од хумористичната серија Лив и Меди (2013–17). За улогата добила Еми награда за серија во дневен термин во категоријата „Извонреден изведувач во детска програма“. Таа, исто така, глумела и во франшизата „Потомци“ (2015-2021).
Дав Камерон | |
---|---|
Дав Камерон во 2023 | |
Роден(а) | Клои Селест Хостерман 15 јануари 1996 Бејнбриџ Ајленд, Вашингтон, САД |
Занимање |
|
Активен период | 2007–денес |
Потпис | |
Страница dovecameron.com |
Камерон глумела во неколку долгометражни филмови, како: Тајна агенција (англ. Barely Lethal; 2015), Град на чудовишта (Monsterville: Cabinet of Souls; 2015), Кнедличка (англ. Dumplin'; 2018), Good Mourning (2022) и Одмазда (англ. Vengeance; 2022). Таа, исто така, глумела во мјузиклот во живо, Лак за коса во живо! (англ. Hairspray Live!; 2016). Глумела и во неколку телевизиски серии, меѓу кои и во: Agents of SHIELD и франшизата Marvel Rising.
Во 2015 година, Камерон пеела на песните од саундтрак-албумите од: Лив и Меди и Потомци. Саундтракот за потомци се искачил на врвот на американската топ-листа за албуми Билборд 200 и бил сертифициран златен тираж од Здружението на музичките сниматели од Америка (RIAA). Во 2023 година, таа го издала нејзиниот прв албум, Alchemical: Volume 1, на кој му претходел синглот „Boyfriend“. Албумот бил позитивно примен од критиката и се пласирал во топ-20 на Billboard Hot 100.
Дав Камерон била родена како Клои Селест Хостерман на 15 јануари 1996 година, во Бејнбриџ Ајленд во Вашингтон.[3][4] Има постара сестра, Клер Хостерман, која е наставник по пеење.[5] На осумгодишна возраст почнала да глуми во театарот за сценски уметности во Бејнбриџ.[6] Шест години подоцна со семејството се преселила во Лос Анџелес.[7]
Камерон изјавила дека има француско потекло и дека малку зборува француски.[8][9] Таа, исто така, има: руско, словачко и унгарско потекло.[10] Рекла дека била малтретирана во текот на нејзините училишни денови, од петто одделение до завршувањето на средно училиште. Нејзиниот татко починал во 2011 година.[11] По неговата смрт, Камерон го променила нејзиното име во Дав (во превод на мекедонски: гулаб) во чест на татко ѝ, кој ја нарекувал со тој прекар.[12][13]
Камерон изјавила дека е бисексуалка,[14] но во мај 2021 година, рекла дека смета дека најточен начин да се опише нејзината сексуалност е квир.[15] Таа, исто така, се самоидентификувала како феминистка.[16][17] Таа, од август 2013 до 2016 година, била во врска со нејзиниот колега од Лив и Мади, Рајан Мекартан.[18] Тие ја објавиле нивната свршувачка на 14 април 2016 година,[19][20] но ја раскинале врската во октомври 2016 година.[21] Од 2017 до 2020 година, Камерон била во врска со нејзиниот колега од „Потомци 2“, Томас Доерти.[22] Во ноември 2023 година, Vanity Fair Italy објавиле дека Камерон се забавува со италијанскиот пејач Дамијано Давид.[23][24]
Година | Наслов | Оригинален наслов | Улога | Забелешки |
---|---|---|---|---|
2015 | Тајна агенција | Barely Lethal | Лиз Ларсон | |
Град на чудовишта | R.L. Stine's Monsterville: Cabinet of Souls | Бет | Директно на видео | |
2018 | Кнедличка | Dumplin' | Бека | |
2019 | Angry Birds 2 | The Angry Birds Movie 2 | Ела | Гласовна улога |
2022 | Good Mourning | Олива | ||
Одмазда | Vengeance | Канзас Сити Шо | ||
во најава | Issac | Каси | завршен во 2021[25] |
Студиски албуми
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.