![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b5/Rasadnik_Naupare_priprema_za_setvu_4._2004.jpg/640px-Rasadnik_Naupare_priprema_za_setvu_4._2004.jpg&w=640&q=50)
Гребло
From Wikipedia, the free encyclopedia
Гребло[1][2] или грибло[3][4] — алатка што се користи за дополнителна обработа на почвата, изработка на леи, сеење (покривање на браздите) и рамнење.[5] Работниот дел е изработен од метал или дрво со 10-16 запци на растојание од 2,5 см, така што ширината варира од 25,5 до 41 см.
![Thumb image](http://upload.wikimedia.org/wikipedia/commons/thumb/b/b5/Rasadnik_Naupare_priprema_za_setvu_4._2004.jpg/640px-Rasadnik_Naupare_priprema_za_setvu_4._2004.jpg)
![Thumb image](http://upload.wikimedia.org/wikipedia/commons/thumb/4/41/Wooden_rake.jpg/640px-Wooden_rake.jpg)
![Thumb image](http://upload.wikimedia.org/wikipedia/commons/thumb/b/b3/SoilRake.jpg/640px-SoilRake.jpg)
![Thumb image](http://upload.wikimedia.org/wikipedia/commons/thumb/a/a3/GrassRake.jpg/640px-GrassRake.jpg)
Големите механизирани верзии на гребла кои се користат во земјоделството, наречени гребла за сено, се направени во многу различни облици (на пр. гребла со ѕвездести тркала, ротирачки гребла итн.). Немеханизирано земјоделство може да се врши со различни облици на рачни гребла.
За покривање на сеидбените бразди добри се гребла низ чија основа во облик на дрвена гредичка се заковуваат клинци, чии врвови ги претставуваат запците на греблото. Должината на гредичката е 60 см, растојанието помеѓу клинците е 2,5 или 5 см, а бројот на клинците е 19 или 12. Држачот за греблото е долг 120-200 см, а пречникот е 2,8 м.
Во Стара Грција се користеле гребла харпагии (), а Римјаните имале четиризабни гребла. Покрај четиризабните, за покривање на семето се користеле и дрвени гребла, кои директно доаѓаат од слични од преддинастичкиот Египет[6].