![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ab/Proportion_of_French_speakers_by_country_%25281-50%2525_gradation%2529.svg/langmk-640px-Proportion_of_French_speakers_by_country_%25281-50%2525_gradation%2529.svg.png&w=640&q=50)
Географска распределба на француските говорители
From Wikipedia, the free encyclopedia
Францускиот јазик станал меѓународен јазик во средниот век, кога моќта на Кралството Франција го направила втор меѓународен јазик, покрај латинскиот. Овој статус продолжил да расте во 18 век, до кога францускиот бил јазик на европската дипломатија и меѓународните односи.[1]
Според извештајот на Меѓународната организација на франкофонија (МОФ) за 2022 година, 409 милиони луѓе зборуваат француски.[2] МОФ наведува дека и покрај падот на бројот на изучувачи на француски јазик во Европа, вкупниот број на говорници се зголемува, најмногу поради неговото присуство во африканските земји: од 212 милиони кои секојдневно користат француски, 54,7% живеат во Африка.[3] Бројките на МОФ се оспорени како надуени поради методологијата што се користи и нејзината премногу широка дефиниција на зборот франкофон. Според авторите на книгата за светската распределба на францускиот јазик од 2017 година, веродостојна проценка на бројот на „стварни франкофони“ (francophones réels), односно поединци кои секојдневно зборуваат француски или како свој мајчин јазик или како втор јазик, би бил околу 130 милиони.[4]
![Thumb image](http://upload.wikimedia.org/wikipedia/commons/thumb/a/ab/Proportion_of_French_speakers_by_country_%281-50%25_gradation%29.svg/640px-Proportion_of_French_speakers_by_country_%281-50%25_gradation%29.svg.png)
![Thumb image](http://upload.wikimedia.org/wikipedia/commons/thumb/c/c0/Proportion_of_French_speakers_by_country_%281-100%25_gradation%29.svg/640px-Proportion_of_French_speakers_by_country_%281-100%25_gradation%29.svg.png)