Војник (село)

Војник — село во Општина Старо Нагоричане, во областа Средорек, во околината на градот Куманово.

Војник
Панорама на селото Војник
Војник Местоположба на Војник во Македонија Војник на карта
Координати 42°09′35″N 21°52′17″E
Регион	Североисточен
Општина	Старо Нагоричане
Област	Средорек
Население	68 жит. (поп. 2021)[1]
Пошт. бр.	1304
Повик. бр.	031
Шифра на КО	17018
Надм. вис.	370 м
Војник на општинската карта Атарот на Војник во рамките на општината
Војник на Ризницата

Население

Население во минатото

Година Нас. ±% 1948 121 —     1953 144 +19.0% 1961 165 +14.6% 1971 129 −21.8% 1981 114 −11.6%	Година Нас. ±% 1991 86 −24.6% 1994 87 +1.2% 2002 61 −29.9% 2021 68 +11.5%

Според германска карта издадена во 1941 година, а заснована на пописот на Кралството Југославија од 1931 година, селото имало 25 до 50 Македонци.^[2]

Според пописот од 2002 година, во селото Војник имало 61 жител, од кои 57 Македонци, 3 Срби и 1 останат.^[3]

Според последниот попис од 2021 година, во селото живееле 68 жители, од кои 62 Македонци и 6 лица без податоци.^[4]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	136	98	121	144	165	129	114	86	87	61	68

Извор за 1900 г.: Македонија. Етнографија и статистика.^[5]; за 1905 г.: La Macédoine et sa Population Chrétienne.^[6]; за 1948-2002 г.: Државен завод за статистика на РМ.^[7]; за 2021 г.: Државен завод за статистика на РМ.^[8]

Родови

Војник е македонско село.

Според истражувањата од 1971 година родови во селото се:

• Стари родови: Ѓокинци (5 к.), Цоровци (3 к.) и Голомевци (2 к.)
• Доселени родови: Петраљичанци (5 к.) доселени се пред крајот на турското владеење од селото Петралица, Кривопаланечко; Чунгурци (4 к.) доселени се кога и претходниот род од селото Цвиланце; Цветановци (2 к.) доселени се кога и другите два рода од селото Макреш; Алексовци (2 к.) доселени се од селото Старо Нагоричане; Савевци (1 к.) доселени се од истото место како и претходниот род.
• Доселени каурски Роми: Јаќимовци (1 к.) доселени се од селото Макреш пред 1912 година; Коњушанци (2 к.) доселени се како просјаци во 1918 година од селото Коњух; Николовци (1 к.) доселени се во 1945 година од селото Конопница, Кривопаланечко.^[9]

Културни и природни знаменитости

Археолошки наоѓалишта^[10]

• Гробишта - Гробље — тумул од железното време и средновековна некропола
• Петриково — населба и некропола од римското време

Иселеништво

Во турско време во селото живеел родот Ѓокинци. Они во 1908 година имале куќна задруга од 20 членови. Тогаш чувале околу 500 овци и 12 овчарски кучиња. Но поради недоразбирањата со сопственикот на чифликот Ѓокинци морале да се иселат во селото Стрезовце. Но потоа се вратиле во селото, но по некое време овој род изумрел.

Се знае и за други родови кои ги нема повеќе во селото, како. Војничанци и Мазници иселени се во селото Клечевце. Војничанци иселени се во селото Студена Бара.^[9]

Личности

• Карпош — водач на Карпошовото востание и легендарен македонски ајдутски војвода

Наводи

1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
2. „200K Volkstumskarte Jugoslawien“.
3. „Попис на Македонија“ (PDF). Завод за статистика на Македонија. 2002. Посетено на 18 март 2017.
4. „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
5. К’нчов, Васил. „Македонија. Етнографија и статистика“. Софија, 1900
6. Brancoff, D.M. „La Macédoine et sa Population Chrétienne“. Paris, 1905.
7. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
8. „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
9. Трифуноски, Јован (1974). Кумановска област. Скопје.
10. Коцо, Димче (1996). Археолошка карта на Република Македонија. II. Скопје: Македонска академиjа на науките и уметностите. стр. 206-207. ISBN 9989649286.

Надворешни врски

• Војник на Ризницата ^?