![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f1/Codex_Manesse_149v_Wolfram_von_Eschenbach.jpg/640px-Codex_Manesse_149v_Wolfram_von_Eschenbach.jpg&w=640&q=50)
Волфрам фон Ешенбах
From Wikipedia, the free encyclopedia
Волфрам фон Ешенбах (околу 1170 до 1220) — еден од најголемите епски поети на средниот век. Од него се зачувани и седум љубовни песни со вечна убавина. Потекнувал од витешки род кој го зел името од гратчето Ешенбах југоисточно од Ансбах. Во јазикот на неговите песни се забележува значително баварско влијание, што може да послужи како доказ за неговото потекло. Бил во служба на грофот од Вертхајм и подолго време живеел на дворот на грофот од Тиринген, каде што се сретнал и со Валтер фон дер Фогелвајде[1]. За време на целиот свој живот витештвото го ценел уште повеќе од образованието и творечката дарба. Починал околу 1220 во татковината и бил закопан во црквата во Ешенбах.
![Thumb image](http://upload.wikimedia.org/wikipedia/commons/thumb/f/f1/Codex_Manesse_149v_Wolfram_von_Eschenbach.jpg/640px-Codex_Manesse_149v_Wolfram_von_Eschenbach.jpg)