![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/52/Vila_Benkara%252C_Banja_Kovilja%25C4%258Da_11.jpg/640px-Vila_Benkara%252C_Banja_Kovilja%25C4%258Da_11.jpg&w=640&q=50)
Вила Бенкара
From Wikipedia, the free encyclopedia
Вилата „Бенкара“ го добила името по британската хуманитарка, медицинската сестра Бенкерт. Имено, пред речиси еден век, меѓу најголемите сојузници на Србија во Првата светска војна била Велика Британија, односно Обединетото Кралство. Еден од облиците на поврзување меѓу двата воени партнери било испраќањето медицински персонал и медицински сестри од Британија во Србија. Г-ѓа Бенкерт дошла во Бања Ковиљача како доброволец за време на Првата светска војна, се приклучила на српската војска за време на војната и се грижела за болните (најчесто заболени од тифус), ранетите, но и сираците - децата кои за време на војната останале без родители.[1]
![Вила Бенкара е вила во Бања Ковиљача. Фотографирана благодарение на проектот Палати во Србија.](http://upload.wikimedia.org/wikipedia/commons/thumb/5/52/Vila_Benkara%2C_Banja_Kovilja%C4%8Da_11.jpg/640px-Vila_Benkara%2C_Banja_Kovilja%C4%8Da_11.jpg)
По завршувањето на војната, таа решила да го задржи својот дом во шумската бања во западна Србија, каде што добила куќа за користење, која Србите ја нарекле Бенкара, а целото маало во Бања Ковиљача го добила нејзиното име. Важна е и нејзината улога во купувањето земјиште за санаториумот во подножјето на планината Гучево. Изградбата ја поддржувала со свои средства, а санаториумот во тоа време изгледал импресивно во Србија. До 1939 година, Банкер живеела во оваа бањска вила.[2]