издание на Википедија на тамилски јазик From Wikipedia, the free encyclopedia
Википедија на тамилски јазик или тамилска Википедија (тамилски: தமிழ் விக்கிப்பீடியா) — издание на Википедија на тамилски јазик во надлежност на заедницата на Фондацијата Викимедија.[1] Основана е во септември 2003 г. а до септември 2018 г. достигнала 117.667 статии и 139.577 регистрирани корисници[2]. Го зазема 56. место по големина меѓу сите википедии и второ место меѓу википедиите на јазиците во Индија. Претставува прва Викиепдија на дравидски јазик со преку 10.000 статии и предводи меѓу јужноазиските изданија во квалитет.[3] Прагот од 100.000 статии го надминала во мај 2017 г.
![]() Лого на Википедија на тамилски | |
Вид место | семрежна енциклопедија |
---|---|
Достапно на | тамилски |
Седиште | Мајами, Флорида, САД |
Сопственик | Фондација Викимедија |
Адреса | ta.wikipedia.org |
Место на Алекса | ▼ 7 (севкуп.), 6 (САД) (САД/севкуп. 03/2015) |
Комерцијално | не |
Корисници | 139.577+ (септември 2018) |
Пуштено | септември 2003 |
За разлика од погледот на Википедија во европските и северноамериканските земји, тамилското издание ужива голем углед како најдобриот извор на информации на тамилски јазик на семрежјето.[4] Енциклопедијата се соочува со многу помалку вандализам отколку на поголемите викија поради бавниот раст и недостатокот од сметачи и семрежен пристап во селските средини на Тамил Наду (Индија) и Шри Ланка — највеќето уредници се впрочем членови на тамилската дијаспора во странство.[4][5]
Во април 2010 г. Тамилската семрежна конференција одржала голем уредувачки натпревар на тамилската Википедија, опфаќајќи ја сета сојузна држава Тамил Наду.[6] Натпреварот е одржан во контекст на Светската тамилска конференција истата година на која учествувале тамилисти ширум светот со цел да расправаат за развојот на тамилскиот јазик во современиот свет. Учество во натпреварот зеле 2.000 уредници кои на тамилската Википедија создале вкупно 1.200 нови академски рецензирани статии на разни полиња.[7]
Во септември 2013 г. Википедија на тамилски јазик ја одбележала својата десетгодишнина.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.