Оваа страница документира официјално начело на македонската Википедија, општоприфатен стандард што сите уредувачи треба да го следат. Ако ја уредувате оваа страница, Ве молиме прво уверете се дека за Вашата промена постои консензус. Ако се двоумите, прво дискутирајте на страницата за разговор.
Ова е краток преглед на Условите на употреба наменет за информирање на корисниците
Одрекнување: Овој краток преглед не е дел од самите Услови на употреба и не претставува правен документ. Ова е само едно прирачно помагало што треба да даде претстава за целосните услови. Може да се сфати како полесно разбирлива варијанта на нашите Услови за употреба.
Дел од нашата задача е да ги:
Оспособиме и вклучиме луѓето ширум светот, за да можат да собираат и разработуваат образовни содржини и да ги објавуваат под слободна лиценца или да стават во јавна сопственост.
Распространиме овие содржини на делотворен начин, глобално и бесплатно.
Имате право слободно да ги:
Читате и печатите нашите статии, слики и снимки бесплатно.
Споделувате и пренаменувате нашите статии и други слики и снимки под слободни и отворени лиценци.
Придонесувате во и уредувате разните наши проекти и мрежни места.
Под следниве услови:
Одговорност — Да сносите одговорност за вашите уредувања (бидејќи ние само ги вдомуваме вашите содржини).
Учтивост — Да одржувате учтива атмосфера и да не ги вознемирувате останатите корисници.
Правно однесување — Да не ги кршите авторските права и другите закони.
Ненаштетување — Да не причинувате штета врз нашата технолошка инфраструктура.
Услови на употреба и правила — Да се придржувате до долунаведените Услови на употреба и правилата на заедницата кога ги посетувате нашите страници или учествувате во нашите заедници.
Разбирајќи дека:
На вашите придонеси им давате слободни лиценци — вашите придонеси и уредувања на нашите мрежни места и Проекти мора да ги објавувате под слободна и отворена лиценца (освен ако не се во јавна сопственост).
Нема стручни совети — содржините на статиите и другите проекти имаат чисто информативен карактер и не претставуваат стручни совети.
Замислете си свет каде секој би можел да има удел во слободниот и целосен пристап кон севкупното човеково знаење. Кон тоа се стремиме. – Изјава за нашата визија
Добредојдовте на Викимедија! Фондацијата Викимедија („ние“, „нас“) е непрофитна добротворна организација чија мисија е да го оспособи луѓето ширум светот да собираат и разработуваат содржини под слободна лиценца или во јавна сопственост, и успешно да ги распространуваат истите глобално и бесплатно.
Како поддршка за нашата раздвижена заедница, ние ја овозможуваме основната инфраструктура и организациските рамки за развојот на повеќејазичните википроекти и нивните изданија (како што е објаснето тука) како и другите потфати во прилог на нашата мисија. Се стремиме да создаваме образовни и информативни содржини на Проектите, и истите да се нудат бесплатно, засекогаш.
Ви пожелуваме добредојде („вам“, „вие“, „корисникот“) како читател, уредник, автор или учесник на Викимедиините проекти, и ви препорачуваме да се приклучите кон заедницата на Викимедија. Меѓутоа, пред да почнете со учество, би побарале да ги прочитате и да се согласите со следниве Услови на употреба („Услови на употреба“).