![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ec/Vanilla1web.jpg/640px-Vanilla1web.jpg&w=640&q=50)
Ванила (растение)
From Wikipedia, the free encyclopedia
Ванилата (лат. Vanilla) е род на орхидеи кој во себе вклучува 110 видови на монокотиледони и многугодишни растенија. Од некои видови (во прв ред Vanilla planifolia) се добива ароматичното соединение со исто име. Името доаѓа од шпанскиот збор vainilla, што во превод значи вагина. Ванилата е распространета во тропските и суптропските зони. Постојат видови во Западна Африка, Нова Гвинеја, како и во тропските зони на Америка и Азија. За татковина на ванилата се сметаат Мексико и околните региони - таму се наоѓаат единствените опрашувачи на ова растение. Во останатите делови на светот каде ванилата се одгледува, овој процес се извршува по вештачки пат.
Ванилини орхидеи Период: Доцна креда/палеоцен - денес | |
---|---|
![]() | |
Рамнолисна ванила (Vanilla planifolia) | |
Научна класификација | |
Царство: | Plantae |
Нерангирано: | Angiospermae |
Нерангирано: | Monocotyledonae |
Ред: | Asparagales |
Семејство: | Orchidaceae |
Потсемејство: | Vanilloideae |
Племе: | Vanilleae |
Потплеме: | Vanillinae |
Род: | Vanilla Plumier ex Mill., 1754 |
Видови | |
see Список на видови од Vanilla | |
![]() | |
Зелено: Распространување на видовите од родот Vanilla' |
Ванилата била позната и почитувана и од страна на Ацтеките кои правеле специјален напиток од неа - смеса од какаови зрна, ванила и мед, која била сметана за моќен афродизијак. Во 16 век ванилата е пренесена во Европа од страна на Шпанците.
Растението по својот хабитус претставува многу долга лијана. Со тек на времето и еволуцијата, кај некои видови исчезнува лисната маса и остануваат единствено долгите стебла. Цветовите се најчесто бели или белозеленкасти, поретко зеленкасти или жолти.
Есенцијата од ванила се добива по пат на филтрација со алкохол и вода на раздробените зрна, слично како при производството на кафе. Ванилината есенција е многу силна. Таа има голема примена и надвор од кулинарството. Таа се користи при подготовката на парфеми, пури и ликери.
![Thumb image](http://upload.wikimedia.org/wikipedia/commons/thumb/9/99/VanillaFlowerLongitudinalSection-mk.png/640px-VanillaFlowerLongitudinalSection-mk.png)