Бесна гулапка
From Wikipedia, the free encyclopedia
Бесна гулапка, силно отровна печурка , припаѓа во групата базидиомицет печурки и видови од родот Russula. Има црвена, конвексно до рамна шапка до 8.5 см со пречник, со кутикула што може да се излупи скоро до центарот. Жеабрите се бели до бледо крем боја и се тесно распоредени. Мазната бела дршка достигнува до 10.5 см долга и 2.4 см широка. Првпат е опишана во 1774 година, печурката има широка распространетост во Северната полутопка, каде што расте на земја во влажни шуми во микоризална асоцијација со четинари, особено бор.
Вообичаените имиња на печурката се однесуваат на гастроинтестинални тегоби што ги предизвикува кога се консумира сурова. Месото е исклучително луто, но овој вкус, заедно со неговата токсичност, може да се отстрани со вриење или маринирање. Иако порано се јадела во Русија и земјите од источна Европа, генерално не се препорачува за консумирање. Постојат многу слични видови Русула кои имаат црвена капа со бело стебло и жабри, од кои некои може со сигурност да се разликуваат од Бесната гулапка само со микроскопски одлики.