![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/24/Oceanic_Whitetip_Shark.png/640px-Oceanic_Whitetip_Shark.png&w=640&q=50)
Ајкула
From Wikipedia, the free encyclopedia
Ајкули — брзопливачки и генерално големи ‘рскавични риби познати по нивните остри заби, посебната грбна перка и вештина во лоцирањето на подводниот плен. Како и другите риби, ајкулите се генерално ладнокрвни и дишат со жабри. Но, за разлика од коскените риби, кои имаат скелет составен од коски, ајкулите и нивните роднини раи и химери имаат флексибилни внатрешни скелети изградени од ‘рскавица.
Ајкули Период: ран девон - денес | |
---|---|
![]() | |
Океанска беловрвна ајкула, Carcharhinus longimanus | |
Научна класификација | |
Царство: | Животни |
Колено: | Хордати |
Потколено: | ‘Рбетници |
Класа: | ‘Рскавични риби |
Поткласа: | Плочестожабрени, Elasmobranchii |
Надред: | Selachimorpha |
Редови | |
Carcharhiniformes |
![Thumb image](http://upload.wikimedia.org/wikipedia/commons/thumb/7/76/Grey_Nurse_Shark_at_Fish_Rock_Cave%2C_NSW.jpg/640px-Grey_Nurse_Shark_at_Fish_Rock_Cave%2C_NSW.jpg)
![Thumb image](http://upload.wikimedia.org/wikipedia/commons/thumb/7/7b/Caleu_u0.png/320px-Caleu_u0.png)
![Thumb image](http://upload.wikimedia.org/wikipedia/commons/thumb/f/f1/Whale_shark_Georgia_aquarium.jpg/640px-Whale_shark_Georgia_aquarium.jpg)
![Thumb image](http://upload.wikimedia.org/wikipedia/commons/thumb/e/e8/Tiger_shark.png/320px-Tiger_shark.png)
Како најдревни ‘рбетници во морето, предците на сегашните ајкули потекнуваат од пред речиси 400 милиони години. Денес ајкулите живеат на ист начин како што тоа било пред повеќе од 200 милиони години, пред подемот на диносаурусите. Научниците идентификувале речиси 375 видови на денешни ајкули, чии големини се движат од џуџестата кучешка ајкула (помала од 20 cm), па до масивната китовска ајкула, која е долга и повеќе од 15 m. Најголем број од ајкулите населуваат тропски или умерени морски води, но некои видови се најдени и во поларните мориња. Биковата ајкула ги напушта океанските води и навлегува во слатоводните басени (реката Замбези, Мисисипи и езерото Никарагва). Во зависност од видот, ајкулите населуваат плитки крајбрежни води или отворен океан. Некои видови, како шестожабрената ајкула, живеат на длабочини со повеќе од 1,800 m.
Без разлика на тоа каде живеат, ајкулите играат значајна улога во нивните екосистеми. Како високо ефикасни грабливци, ајкулите ги одржуваат екосистемските популации со ловење и убивање на други животни, особено тие кои се слаби или заразени. Биолозите стравуваат дека без ајкулите, популациите на другите животни би биле огромни. Овие животни би ја елиминирале расположливата храна во нивните екосистеми, доведувајќи до масивно изумирање поради глад. Би биле потребни години, или дури декади, за да организмите во екосистемот ја постигнат деликатната рамнотежа за која ајкулите значително придонесуваат.