Атакуле

Атакуле ― 125 метарска висока комуникациска и набљудувачка кула која се наоѓа во градскиот округ Чанкаја во средишна Анкара, Турција, и е една од основните знаменитости на градот. Бидејќи округот Чанкаја е самиот на рид, кулата може да се забележи речиси од каде било во градот за време на ведрите денови. Дизајнот на кулата потекнува од архитектот Рагип Булуч, а градежните работи траеле од 1987 до 1989 година. На горниот дел од кулата има отворена тераса и вртечки ресторан по име „Sevilla“ (Севиља), кој прави целосна вртење од 360 степени за еден час. На врвот на Севиља е уште еден ресторан, „Dome“ (Доум), кој не се врти и се наоѓа директно под куполата. Под терасата има кафуле, наречено „UFO“. Во долните структури има трговски центар и неколку внатрешни и отворени ресторани. Кулата била отворена на 13 октомври 1989 година од претседателот Тургут Озал. Поради тековната обнова на трговскиот центар, кулата сега е затворена за посетители.

Атакуле
Atakule
Атакуле
Општи податоци
Вид	Набљудувачка кула Комуникациска кула Трговски центар Ресторан
Место	Анкара, Турција
Координати	39°53′10″N 32°51′22″E
Почната	1987
Завршена	1989
Отворена	13 октомври 1989
Висина
Покрив	125 м
Технички податоци
Катови	4
Проектирање и изградба
Архитект	Рагип Булуч

На турски, зборот ата значи „предок“ (или „татко“ на старотуркиски), кој често се користи како прекар (Ата) за Мустафа Кемал Ататурк, основачот и првиот претседател на Република Турција; додека турскиот збор куле значи „кула“.

Трговски центар Атриум

Трговскиот центар во непосредна близина на кулата, Атриум, исто така бил отворен на 13 октомври 1989 година. Тоа бил првиот современ трговски центар во Анкара и вториот во Турција по Атаќој во Истанбул, кој бил отворен во 1987 година. Трговскиот центар бил затворен поради губење на популарноста наспроти конкуренцијата од зголемениот број посовремени трговски центри во градот.^[1] Сега е урнат и повторно изграден како трговски центар во современ стил.^[2][3]

Поврзано

• Список на највисоки згради во Анкара

Наводи

1. İPEKEŞEN, Erdal. „Atakule yıkılırken tarihin tozlu sayfalarında kısa bir tur“. www.hurriyet.com.tr.
2. „Atakule AVM'nin atrium çarşı bölümü yıkım sözleşmesi imzalandı! - 31-01-2014“. emlakkulisi.
3. BULUT, Ceren YÖRÜK. „Atakule AVM'deki otoparkın araç kapasitesi 750'ye çıkarılacak! - 14-03-2014“. emlakkulisi.

Надворешни врски

• Службена мрежна страница на Атакуле Архивирано на 26 октомври 2018 г. Архивирано (на турски)