From Wikipedia, the free encyclopedia
Антофагаста (шпански: Antofagasta е пристанишен град во северниот дел од Чиле, на околу 1100 км северно од Сантјаго. Тој е главен град на провинцијата Антофагаста и регионот Антофагаста. Според пописот од 2015 година, градот има население од 402.669 жители.[4]
Антофагаста | ||
---|---|---|
Град и општина | ||
![]() | ||
| ||
Прекар(и): La perla del Norte ("Бисер на Северот") | ||
Гесло: "Gloria, patria y tesón es tu lema y tu honor" | ||
Држава | Чиле | |
Регион | Антофагаста | |
Провинција | Антофагаста | |
Населен | 22 октомври 1868 | |
Главен град | Антофагаста | |
Управа[1] | ||
• Вид | Општински совет | |
• Алкалде | Џонатан Веласкес | |
Површина[2] | ||
• Вкупна | 30.718,1 км2 (118,603 ми2) | |
Надм. вис. | м | 40|
Население (2017[3]) | ||
• Урбано | 352,638 | |
Поштенски број | 3580000 | |
Повик. бр. | +56 55 | |
Мреж. место | Municipality of Antofagasta |
По шпанско-американските војни за независност, градот Антофагаста станал дел од територијата на Боливија. И покрај тоа што во градот живеело претежно етничко чилеанско население, Чиле во 1866 година го признал боливискиот суверенитет врз Антофагаста, но во 1879 година Чиле се откажал од признавањето на боливискиот суверенитет поради тоа што Боливија го прекршила Договорот за разграничување од 1874. Антофагаста бил заземен од Чиле на 14 февруари 1879 година, и ова ја предизвикала Тихоокеанската војна (1879–83). Според условите на Договорот за мир и пријателство од 1904 година, Боливија го признала чилеанскиот суверенитет врз Антофагаста.
Градот Антофагаста тесно се поврзува со рударската активност, затоа што е пристаниште и главен центар на една од главните рударски области во Чиле. Иако ископувањето на сребро и шалитра биле важни за Антофагаста низ историјата, од средината на 19 век ископувањето на бакар е убедливо најважна рударска активност за Антофагаста што поттикнува стабилен раст во областа на градежништвото, малопродажбата, хотелските сместувања, растот на населението и извонреден развој до крајот на 2000-тите. Од 2010-тите Антофагаста е исто така сервисен центар за ископ на литиум.[5]
Антофагаста има највисок БДП по глава на жител во Чиле, 37.000 УСД и е на трето место на Индексот за човечки развој веднаш по регионот Метрополитана де Сантјаго и регионот Магаланес и Антарктика Чилена.[6]
Според пописот од 2002 година, Антофагаста имала 296.905 жители распоредени на површина од 30.718 км2, од кои 143.685 се жени и 153.220 мажи. Експертите процениле дека во следните 10 години градот ќе достигне 500.000 жители.[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.