![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ee/AmundsenSea.jpg/640px-AmundsenSea.jpg&w=640&q=50)
Амундсеново Море
море во Јужниот Океан / From Wikipedia, the free encyclopedia
Амундсеново Море — ракав на Јужниот Океан во близина на Земјата на Мери Берд во западниот дел на Антарктикот, лежи помеѓу Кејп Флаинг Фиш (северозападниот врв на островот Тарстон) на исток и Кејп Дарт на островот Сипел на запад. Кејп Флаинг Фиш ја означува границата помеѓу Амундсеновото Море и Белингсхаузеновото Море. Западно од Кејп Дарт нема именувано рабно море на Јужниот Океан, помеѓу морињата Амундсен и Рос. Норвешката експедиција од 1928-1929 година, под водство на капетанот Нилс Ларсен, ја именувала водената маса според норвешкиот поларен истражувач Роалд Амундсен, додека ја истражувал оваа област во февруари 1929 година.
Морето е главно покриено со мраз, а Твеитис Ајс Тонг влегува во него. Ледената плоча што се празни во Амундсеновото море во просек има дебелина околу 3 км (1,9 милји); приближно со големината на државата Тексас, оваа област е позната како Заливот во Амундсеновото Море (ЗАМ); таа го формира едното од трите главни одводнувања на мраз во Западната Ледена Плоча.
![Thumb image](http://upload.wikimedia.org/wikipedia/commons/thumb/e/ee/AmundsenSea.jpg/640px-AmundsenSea.jpg)
![Thumb image](http://upload.wikimedia.org/wikipedia/commons/thumb/0/06/Antarctic_Sea_Ice_-_Amundsen_Sea.jpg/640px-Antarctic_Sea_Ice_-_Amundsen_Sea.jpg)