![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5e/Heart_attack_diagram.png/640px-Heart_attack_diagram.png&w=640&q=50)
Акутен коронарен синдром
From Wikipedia, the free encyclopedia
Акутен коронарен синдром е синдром (сет на знаци и симптоми) кои се јавуваат поради намален проток на крв во коронарните артерии при што дел од срцевиот мускул не функционира соодветно или изумира.[1] Најчест симптом е градна болка, која често зрачи кон левото рамо[2] или аголот на долната вилица.
Акутен коронарен синдром | |
---|---|
![]() | |
Блокада на коронарна артерија | |
Специјалност | Кардиологија |
Акутниот коронарен синдром често е поврзан со три клинички манифестации, именувани според изгледот на електрокардиограмот (ЕКГ):[3] миокарден инфаркт со ST елевација (STEMI, 30%), миокарден инфаркт без ST елевација (NSTEMI, 25%), или нестабилна ангина (38%).[4]
АКС треба да се разликува од стабилната ангина, која се развива за време на физичка активност или стрес и исчезнува при мирување. Во спротивност на тоа, нестабилната ангина се јавува ненадејно, често при мирување или при минимален замор.