From Wikipedia, the free encyclopedia
Територијата на Полска денес на национално ниво е поделена на војводства, понатаму поделени во окрузи (повјати), а тие пак поделени во основната административна единица, општините (гмини). Оваа тековна поделба е во функција од 1999 година. Денес Полска има 16 војводства, 380 окрузи и 2.478 општини.[1] Наспроти овие три нивоа, општините може да се поделат и на помошни единици како оседле и дзелница за градовите, и солецтво за руралните средини.
Главната административна единица во Полска е војводството (полски: województwo; мн. војводства, на полски: województwa). Со поделбата од 1999 година денес постојат 16 војводства. Надлежностите во војводството се поделени меѓу регионалниот гувернер наречен војвода, назначен од Владата, Војводскиот Сејмик (совет, регионално собрание), кој се избира на секои 5 години на избори, составен од советници, и меѓу извршната управа (zarząd województwa), која пак ја избира советот.
Грб | Код | Рег. таб. |
Назив | Површина (км²) |
Население (30 јун. 2018) |
---|---|---|---|---|---|
![]() |
28 | N | Варминско-мазурско Војводство (województwo warmińsko-mazurskie) |
24.173,47 | 1.431.299 |
![]() |
30 | P | Големополско Војводство (województwo wielkopolskie) |
29.826,50 | 3.490.597 |
![]() |
02 | D | Долношлеско Војводство (województwo dolnośląskie) |
19.946,70 | 2.901.003 |
![]() |
32 | Z | Западнопоморско Војводство (województwo zachodniopomorskie) |
22.892,48 | 1.703.009 |
![]() |
04 | C | Кујавско-поморско Војводство (województwo kujawsko-pomorskie) |
17.971,34 | 2.079.917 |
![]() |
10 | E | Лоѓско Војводство (województwo łódzkie) |
18.218,95 | 2.470.610 |
![]() |
06 | L | Лублинско Војводство (województwo lubelskie) |
25.122,46 | 2.121.613 |
![]() |
08 | F | Лубушко Војводство (województwo lubuskie) |
13.987,93 | 1.015.440 |
![]() |
14 | W | Мазовско Војводство (województwo mazowieckie) |
35.558,47 | 5.391.813 |
![]() |
12 | K | Малополско Војводство (województwo małopolskie) |
15.182,79 | 3.395.663 |
![]() |
16 | O | Ополско Војводство (województwo opolskie) |
9.411,87 | 988.014 |
![]() |
20 | B | Подласко Војводство (województwo podlaskie) |
20.187,02 | 1.182.677 |
![]() |
22 | G | Поморско Војводство (województwo pomorskie) |
18.310,34 | 2.328.214 |
![]() |
18 | R | Поткарпатско Војводство (województwo podkarpackie) |
17.845,76 | 2.128.747 |
![]() |
26 | T | Светокришко Војводство (województwo świętokrzyskie) |
11.710,50 | 1.244.383 |
![]() |
24 | S | Шлеско Војводство (województwo śląskie) |
12.333,09 | 4.540.140 |
Второстепената административна единица е округот, во Полска наречен повјат (полски: powiat; мн. повјати, на полски: powiaty). Денес има 380 окрузи од кои 66 градски и 314 селски. Тие се потчинети на војводството, а самите се поделени пак во општини. Градовите се посебни целини со статус на градски окрузи (powiaty grodzkie, формално: miasta na prawach powiatu) и тие не се делат општини. Вообичаените окрузи се наречени „земски“ или „селски окрузи“ (powiaty ziemskie). Секој округ придавно е наречен по најважниот град во него.
Законодавната власт на округот ја има избран окружен совет (rada powiatu), а извршната е во рацете на окружната управа (zarząd powiatu). На чело на управата стои старешина (starosta), избран помеѓу членовите на советот. Службата на старешината се нарекува старешинство (starostwo). Кај градските окрузи, истите улоги ги имаат градскиот совет (rada miasta), градоначалникот (burmistrz или prezydent) и градската служба (urząd miasta).
Третостепената но основна административна единица во државата е општината, наречена гмина (полски: gmina, мн. гмини, на полски: gminy). Општините се делат на три видови: градска општина, составена само од еден град, градско-селска, од помал град и околните села, и селска општина, составена само од неколку села, а ретко и само едно село. Општините имаат свои совети и избран градоначалник, познат како prezydent во поголемите градови, burmistrz во градовите и градско-селските општини и wójt во селските општини.
Некои општини се делат понатаму и на помошни единици (полски: jednostki pomocnicze). Градските и урбани места вообичаено се делат во помошните единици оседле (osiedle) и дзелница (dzielnica), а за руралните средини се користи терминот солецтво (sołectwo), но се користат и многу други имиња како дистрикти, приселок, реони.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.