![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/83/JohnFruscianteAugust2006.jpg/640px-JohnFruscianteAugust2006.jpg&w=640&q=50)
Џон Фрушанте
From Wikipedia, the free encyclopedia
Џон Ентони Фрушанте; роден на 5 март 1970 година е американски музичар, најпознат како гитарист на Red Hot Chili Peppers во три ангажмани од 1988 година. Има издадено 11 соло албуми и 7 EP-а, во стил од акустична гитара до електронска музика.
Џон Фрушанте | |
---|---|
![]() Фрушанте на настап во 2006 година | |
Основни податоци | |
Родено име | Џон Ентони Фрушанте |
Познат(а) и како | Trickfinger |
Роден(а) | 5 март 1970(1970-03-05) (54 г.) Њујорк, САД |
Години на активност | 1988–денес |
Мрежно место | johnfrusciante.com |
Фрушанте им се придружил на Чили Пеперс на 18-годишна возраст по смртта на гитаристот Хилел Словак, и првпат се појавил на нивниот албум Mother's Milk (1989). Неговиот втор албум со бендот, Blood Sugar Sex Magik (1991), бил нивниот пробивен успех. Обземен од новостекнатата популарност на бендот, тој се откажал во 1992 година. Фрушанте станал осаменик и влегол во период на зависност од хероин, а за тоа време тој ги објавил своите први соло снимки: Niandra LaDes и Usually Just a T-Shirt (1994) и Smile from the Streets You Hold (1997). Во 1998 година, тој завршил со рехабилитација од дрога и повторно се приклучил на Чили Пеперс, придонесувајќи за голем успех на бендот со нивните албуми Californication (1999), By the Way (2002) и Stadium Arcadium (2006).
Соло-делото на Фрушанте опфаќа жанрови вклучувајќи експериментален рок, амбиентална музика и електроника. Тој објавил шест албуми во 2004 година, секој од нив истражувајќи различни жанрови и техники на снимање. Во 2009 година, Фрушанте го издал The Empyrean, во кој се појавуваат басистот на Chili Peppers, Flea и гитаристот Josh Klinghoffer и повторно се разделува од Chilli Peppers пред повторно да им се придружи во 2019 година. Фрушанте, исто така, ја издава acid house под алијас Trickfinger. Со Клингхофер и Џо Лали има издадено два албума како Атаксија.
Во 2003 година, Ролинг Стоун го прогласил Фрушанте за 13-тиот најдобар гитарист на сите времиња. Тој бил примен во Рокенрол Куќата на славните како член на Red Hot Chili Peppers во 2012 година.