јулијански ден е непрекинато броење на деновите од почеткокот на јулијанскиот период и највеќе го користат астрономите и во софтверот за полесно пресметување на изминатите денови помеѓу две случувања (на пр. датум на производство на храна и продажба според датумот).
Број од јулијанскиот ден е цел број доделен на целиот сончев ден во броењето на јулијанскиот ден почнувајќи од пладне според универзалното време (УТ), со бројот 0 на јулијанскиот ден кој е доделен на денот кој започнува на пладне во понеделник на 1 јануари 4713 г. п.н.е. според пролептичкиот јулијански календар (24 ноември 4714 година пред н.е. според пролептичкиот грегоријански календар),[1][2][3] датум кога почнале трите повеќегодишни циклуси (индикт, сончев и месечев циклус) и кои претходеле на било кои датуми од забележаната историја. На пример, бројот на јулијанскиот ден за ден кој започнува во 12:00 УТ (пладне) на 1 јануари 2000 година бил 2 451 545.[4]
јулијанскиот датум во секој момент е број на јулијанскиот ден плус дел од денот од претходното пладне според универзалното време. јулијанските датуми се изразени како број на јулијанскиот ден со додадена децимална дропка .[5] На пример, јулијанскиот датум за 00:30:00,0 УТ 1 јануари 2013 е 2 456 293.520 833.[6] Изразено низ јулијанскиот датум, сега е 2460619.5431944. [освјежи]
јулијанскиот период е хронолошки интервал од 7980 години; првата година на јулијанскиот период била во 4713 година пред н.е. (−4712).[7] јулијанската календарска година за 2020 е 6733 година од моменталниот јулијански период. Следниот јулијански период почнува во 3268 година. Историчарите го користеле периодот за да ги индентификуваат јулијанските календарски години во кои се случила случката кога таквата година не е дадена во историските записи или кога годината која ја дале претходните историчари била неточна.[8]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
