Agamo Kristen adolah sabuah kapicayoan nan badasakan pado ajaran, hiduik, sansaro, wafaik, jo kabangkikan Yesus Kristus. Agamo iko picayo Yesus Kristus adolah Tuhan jo Mesias, juru salamaik bagi saluruah umaik manusia, untuak manyalamaikan manusia dari doso. Mareka baribadah di gereja dan Kitab Suci mareka adolah Alkitab. Murid-murid Yesus Kristus partamo kali dipanggia Kristen di Antiokhia (Kisah Para Rasul 11: 26b).
Sarupo jo Yahudi jo Islam, agamo iko adolah agamo abrahamik.[1][2] Pado mulonyo agamo iko bakambang subagai salah satu sekte dalam agamo Yahudi [3][4] di bagian timur wilayah Mediterania. Dalam babarapo dekade agamo iko alah bakambang pesat inggo punyo banyak panganuik. Pado abaik kaampek alah manjadi agamo mayoritas di Kakaisaran Romawi. Pado abaik patangahan, hampia saluruah panjuru Eropa alah dikristenisasi. Pado wakatu nana samo, agamo iko manjadi agamo minoritas di Timur Tangah, Afrika Utara, jo seketek bagian India.[5] Pado zaman panjalajahan, malalui misi misionaris dan kolonisasi, agamo Kristen alah bakambang ka Amerika jo ka saluruah panjuru dunia.
Agamo Kristen marupokan agamo nan paliang gadang di dunia nan pado awal abaik ka 21 panganuiknyo kurang labiah alah mancapai 2,2 milyar [6][7][8][9] atau hampia sapartigo panduduak dunia.[10][10][11]
Rujuakan
Caliak Pulo
Pautan Lua
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
