Inggirih

Inggirih (bahaso Indonesia: Inggris) adolah sabuah nagaro nan marupoan bagian dari Baritania Rayo.^[6][7][8] Nagaro iko babatehan jo Skotlandia di sabalah utara, Wales di sabalah barat, Lauik Irlandia di sabalah barat lauik, Lauik Keltik di barat daya, sarato Lauik Utara di sabalah timur, dan Salek Inggirih, nan mamisahannyo dari banua Eropa, di sabalah selatan. Sabagian gadang wilayah Inggirih tadiri dari bagian tangah dan selatan Pulau Baritania Rayo di Atlantik Utara. Inggirih mancakuik pulo labiah dari 100 pulau-pulau ketek bantuak Pulau Scilly dan Pulau Wight.

Untuak kagunoan lain dari Inggirih, caliak Inggirih (disambiguasi).

Untuak negara banamo Baritania Rayo nan acok juo disabuik Inggirih, caliak Baritania Rayo.

Inggirih
Bandera Lambang
Semboyan: Dieu et mon droit  (Perancis) "God and my right"[1][2]
Lagu kebangsaan: Indak ado (de jure) God Save the King (de facto)
Lokasi  Inggirih  (ijau tuo) – di benua Eropa  (ijau mudo & abu-abu tuo) – di Baritania Rayo  (ijau mudo)
Ibu kota (dan kota paliang gadang)	London
Bahaso resmi	Inggirih (de facto)[catatan 1]
Bahaso daerah nan diakui	Kernowek
Kalompok etnik (2009 [3][4])	87.5% Kulik putiah, 6.0% Asia Selatan, 2.9% Kulik itam, 1.9% Ras campuran, 0.8% Cino, 0.8% Lain-lain
Demonim	English
Pamarintahan	Negara non-devolusi konstituen jo monarki konstitusional
• Monarki	Charles III
• Pardano Mantari Baritania Rayo	Vacant
Legislatif	Parlemen Baritania Rayo
Area
• Total	130.395 km2 (50.346 sq mi)
Populasi
- Sensus Panduduak 2011	53.013.000[5]
- Kapadatan	407/km2
Mato uang	Pound sterling (GBP)
Zona wakatu	GMT (UTC0)
- Musim panas (DST)	UTC+1 (BST)
Format tanggal	hh/bb/tttt (AD)
Lajua kamudi	kida
Kode telepon	+44
Santo pelindung	Santo George
Ranah Internet	.uk[catatan 2]

Wilayah nan kiniko banamo Inggirih patamo kali diuni dek manusia modern salamo pariode Paleolitikum, tapi namo Inggirih (England) ko barasal dari kato Angles, nan marupoan salah satu suku Jermanik nan manatek di situ pado abek ka-5 dan ka-6. Inggirih manjadi nagaro basatu pado taun 927 M, dan samanjak Zaman Panjalajahan nan dimulai pado abaik ka-15, Inggirih alah mambarikan pangaruah budayo jo hukum nan signifikan ka saluruah dunia ko.^[9] Bahaso Inggirih, Gereja Anglikan, dan hukum Inggirih – nan manjadi dasar sistem hukum nagaro-nagaro lain di dunia – barasal atau dikambangkan di Inggirih, dan sistem parlementer nagaro ko lah banyak pulo dicontoh dek nagaro-nagaro lainnyo.^[10] Revolusi Industri nan tajadi pado abek ka-18 manjadian Inggirih sabagai nagaro industri partamo di dunia.^[11] Royal Society Inggirih baparan pulo dalam malatak an dasar-dasar sains untuak pakambangan ilmu pangatahuan jo teknologi.^[12]

Topografi Inggirih ampia sadonyo tadiri dari dataran randah dan bukik-bukik, khususnyo di Inggirih bagian tangah dan selatan. Dataran tenggih tadapek di bagian utara (contohnyo di pagunuangan Danau District, Pennines, sarato Yorkshire Dales) dan di barat daya (contohnyo Dartmoor dan Cotswolds). Ibu kota Inggirih dulunyo adolah Winchester, satalah tu digantian dek London pado taun 1066. Kini, London adolah wilayah metropolitan nan paliang gadang di Baritania Rayo dan zona parkotaan nan paliang gadang di Uni Eropa manuruik lueh wilayah.^{[catatan 3]} Panduduak Inggirih bajumlah sakitar 53 juta jiwa, atau sakitar 84% dari total populasi Baritania Rayo sacaro kasaluruahan, panduduak-panduduak ko tapusek di London, Inggirih Tenggara, dan di Midlands.

Karajaan Inggirih (satalah taun 1284 tamasuak pulo Wales) adolah sabuah nagaro badaulek sampai tanggal 1 Mai 1701. Satalah tu, Undang-Undang Kasatuan nan manyatokan bahwa Karajaan Inggirih dan Karajaan Skotlandia disatukan sacaro politik untuak mambantuak Karajaan Baritania Rayo disahkan pado taun 1707.^[13][14] Pado taun 1801, Baritania Rayo basatu jo Karajaan Irlandia satalah disahkannyo Undang-Undang Kasatuan 1800 dan kamudian namonyo baganti manjadi Karajaan Basatu Baritania Rayo dan Irlandia. Pado taun 1922, Negara Bebas Irlandia badiri sabagai domini nan tapisah, namun anam county di Irlandia Utara tatek mamiliah untuak manjadi bagian dari Baritania Rayo, nan kamudian mambantuak Karajaan Basatu Baritania Rayo dan Irlandia Utara, yaitunyo konteks Baritania Rayo nan dikenal sampai kini ko.

Caliak pulo

	Portal Baritania Rayo

• Geografi Inggirih
• Bangsa Inggirih
• Bahaso Inggirih
• Baritania Rayo

Catatan

1. Bahaso Inggirih tabantuak karano panggunaannyo sacaro de facto.
2. Didaftaran di Baritania Rayo, bukannyo di negara konstituen.
3. Manuruik Badan Statistik Eropa, London adolah Zona Parkotaan paliang gadang manuruik konurbasi daerah-daerah nan bapanduduak tenggih. Pameringkatan badasarkan pado populasi dalam bateh-bateh kota manempatkan London di posisi partamo. Namun, Universitas Avignon di Perancis mangklaim bahwa Paris adolah nan partamo dan London nan kaduo jikok manyertakan daerah parkotaan dan dataran gigia sacaro kasaluruahan.

Rujuakan

1. Marden 2003, p. 460.
2. Brewer 2006, p. 340.
3. Office for National Statistics (2001). "Ethnic group: Census 2001, Key Statistics for local Authorities". Sensus Baritania Rayo 2001. Statistics.gov.uk. Diakses tanggal 5 September 2009.
4. Office for National Statistics (2009). "Population Estimates by Ethnic Group (experimental)". neighbourhood.statistics.gov.uk. Diarsipkan dari versi asli tanggal 8 August 2011. Diakses tanggal 18 May 2011.
5. 2011 Census - Population and household estimates for England and Wales, March 2011. Accessed 16 July 2012
6. Office for National Statistics. "The Countries of the UK". statistics.gov.uk. Diarsipkan dari versi asli tanggal 20 December 2008. Diakses tanggal 1 February 2009.
7. "Countries within a country". number-10.gov.uk. Diarsipkan dari versi asli tanggal 9 February 2008. Diakses tanggal 1 February 2009. Parameter |unused_data= yang tidak diketahui akan diabaikan (bantuan)
8. "Changes in the list of subdivision names and code elements (Page 11)" (PDF). International Organization for Standardization. Diakses tanggal 1 February 2009.
9. "England – Culture". britainusa.com. Diarsipkan dari versi asli tanggal 16 May 2008. Diakses tanggal 1 February 2009.
10. "Country profile: United Kingdom". BBC News. news.bbc.co.uk. 26 October 2009. Diakses tanggal 1 February 2009.
11. "Industrial Revolution". Ace.mmu.ac.uk. Diarsipkan dari versi asli tanggal 27 April 2008. Diakses tanggal 1 February 2009.
12. The Royal Society. "History of the Royal Society". royalsociety.org. Diakses tanggal 1 February 2009.
13. William E. Burns, A Brief History of Great Britain, p. xxi
14. Acts of Union 1707 parliament.uk, accessed 27 January 2011

Pranala lua

• (Inggirih) Situs rasmi Pamarintahan Baritania Rayo
• (Inggirih) English Heritage  – badan nasional nan malinduangi situs basijarah di Inggirih
• (Inggirih) Natural England  – kaiduikan alam di Inggirih
• (Inggirih) Enjoy England  – situs rasmi pariwisata Inggirih
• (Inggirih) BBC England  – informasi Inggirij di BBC
• OpenStreetMap mampunyoi data geografis tantang Inggirih
•  Caliak panduan wisata Inggirih di Wikivoyage