Kabupaten Solok Selatan
From Wikipedia, the free encyclopedia
Kabupaten Solok Selatan adolah kabupaten nan talatak di bagian timur Provinsi Sumatera Barat. Kabupaten iko resmi dimekarkan dari Kabupaten Solok pado taun 2004 mancakuik wilayah salaweh 3.346,20 km². Sacaro administratif, kabupaten iko babatehan lansuang jo Provinsi Jambi di sabalah selatan dan dikaliliangi dek tigo kabupaten lain di Sumatera Barat dari barat ka timur: Kabupaten Pesisir Selatan, Solok, dan Dharmasraya. Pusek pamarintahannyo talatak di Padang Aro, sakitar 161 km dari pusek Kota Padang.
Kabupaten Solok Selatan | ||
---|---|---|
Kabupaten di Sumatera Barat, Indonesia | ||
| ||
Semboyan: Sarantau sasurambi (Minang) Ciek kawasan, ciek laman | ||
Nagara | Indonesia | |
Provinsi | Sumatera Barat | |
Tanggal paresmian | 18 Desember 2003[1] | |
Dasa hukum | UU Nomor 38 Tahun 2003[1] | |
Ibu kota | Padang Aro | |
Pamarintahan | ||
• Bupati | Khairunas | |
• Wakil Bupati | Yulian Efi | |
Laweh | ||
• Total | 3.346,20 km2 (1,291,98 sq mi) | |
Panduduak (2020)[2] | ||
• Total | 182.027 jiwa | |
• Kapadatan | 54/km2 (140/sq mi) | |
Demografi | ||
• Agamo | Islam 99,17% Kristen 0,82% - Protestan 0,72% - Katolik 0,10% Lainnyo 0,01%[3] | |
Zona wakatu | ||
Plat kandaraan | BA xxxx Y** | |
Jumlah kecamatan | 7 | |
DAU | Rp 499.452.380.000,- (2020)[4] | |
IPM | ▲ 69,23 (2021) manangah[5] | |
Kode Kemendagri | 13.11 | |
Situs web | solselkab.go.id |
Bagopun baru diresmikan pado taun 2004, basamo jo Kabupaten Pasaman Barat dan Dharmasraya, wacana pambantuakan kabupaten nan maliputi sabagian wilayah Solok Selatan kini alah ado sajak taun 1950-an. Wilayahnyo mancakuik kaki gunuang Bukik Barisan di barat dan dataran randah nan labiah laweh di timur. Manuruik data Badan Pusat Statistik taun 2021 mancataik panduduak kabupaten Solok Selatan bajumlah 182.027 jiwa (2020).[2][6]
Kini Solok Selatan dihadapkan jo pamasalahan lingkungan nan rumik. Praktik panabangan lia di kawasan utan jo panambangan ameh ilegal di sapanjang aliran Batang Hari jo Batang Sangir sacaro gadang-gadangan masih taruih tajadi.[7][8]