atlet Indonesia From Wikipedia, the free encyclopedia
Setyo Budi Hartanto (lahia di Temanggung, 6 Mei 1986) adolah atlet para atletik Indonesia. Jinih atlet nan ditakuninyo adolah atlet lompek jauah. Inyo masuak ka dalam atlet difabel[lower-alpha 1] dek tangan kidanyo indak sampurna takah tangan manusia normal.[1] Setyo acok manjadi pamanang dalam lomba nasional maupun internasional. Dalam dunia Internasional inyo acok ikuik dalam kejuaraan Asian Para Games [lower-alpha 2]. Setyo ikuik kejuaraan-kejuaraan alah sajak tahun 2004. Banyak hadiah nan didapekan nyo, dari ameh, perak jo perungu. Dari kasado kejuaraan nan diikuikan nyo, jarak nan paliang jauah nan pernah didapekan dek Setyo adolah 7,10 meter. Itu katiko inyo tampil di final lompek jauah laki-lakiT45/46/47 Asian Para Games 2018 di Stadion Utama Gelora Bung Karno, Senayan, Jakarta.[2] Kompetisi itu marupoan Pesta Olahraga Difabel Asia nan diikuikannyo terakhir sabalum ikuik pulo di ASEAN Para Games 2019 di Filipina.
Setyo Budi Hartanto lulus dari SMA Muhammadiyah 1 Temanggung pado tahun 2004. Amak Setyo banamo Muzaidah sarato ayahnyo banamo Muhtarom. Kaduo urang tuo Setyo bakarajo sabagai panjua ikan asin di Pasar Selompang.
Setyo Budi Hartanto alah lahia jo tangan kida nan cacat. Sajak ketek inyo alah didata dek dinas sosial. Setyo biasonyo hanyo bakarajo manjadi kuli cangkua nan ba upah Rp.8.000,- sahari di kampuangnyo. Pado suatu hari, katiko Setyo sadang mancangkua di sawah, tibolah patugas Dinas Sosial Kota Temanggung. Urang-urang itu maajak Setyo ka Pusat Rehabilitasi Bina Daksa dr. Suwarso di Solo. Urang tuo Setyo satuju kalau urang dinas sosial mambaoknyo ka situ. Setyo maambiak pandidikan fotografi di situ. [3]
Di Pusat Rehabilitasi tu Setyo acok bamain sepak bola jo anak-anak difabel lainnyo. Pado saat itulah pak Abdul Aziz nampak dan batanyo bisa olahraga apo sajo. Setyo manjawek kalau inyo bisa olahraga lompek jauah. Sajak itulah Setyo mulai serius baraja cabang olahraga para atletik.[3]
Setyo Budi Hartanto alah banyak maharumkan namo Indonesia di kancah Internasional. Barikuik adolah ajang nan pernah diikuikan dek Setyo sarato hadiah nan di dapek dek inyo. [3] [4] [5] [6] [7] [5] [8] [9] [10] [11]
Tahun | Turnamen | Lokasi | Hadiah | jarak |
---|---|---|---|---|
2004 | Acara Pekan Olahraga Paralympic (Perpanas)2004 | Indonesia, Palembang | ameh (lompek jauah) dan perak (sepak bola) | |
2005 | Asia-Pacific Paragames (APG) 2005 | Filipina, Manila | ameh | 6,40 meter |
2006 | Asia-Pacific Paragames (APG) 2006 | Malaysia, Kuala Lumpur | perak | 6,54 meter |
2011 | Asia-Pacific Paragames (APG) 2011 | Indonesia, Solo | perak | |
2012 | Paralympic Games 2012 | Inggris, London | ||
2014 | Asian Para Games 2014 | Korea Selatan, Incheon | perak dan perunggu | |
2016 | Peparnas XV | Indonesia, Bandung | emas | |
2016 | Paralympic Games 2016 | Brazil, Rio de Janeiro | perak dan perunggu | |
2018 | Asian Para Games 2018 | Indonesia, Bandung | perak | 7,10 meter |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.