From Wikipedia, the free encyclopedia
Pegunungan Andes (Bahasa Quechua, anti, "jengger tinggi") adolah pagunuangan tapanjang nan ado di dunia jo mambantuak rangkaian dataran tinggi sapanjang pantai barat Amerika Selatan. Pagunuangan ko panjangnyo labiah dari 7.000 km, lebanyo mancapai 500 km pado beberapo tampek (terlebar pado 18° sampai 20° LS), jo mampunyoi katinggian rato-rato sakita 4.000 m. Pagunungan ko mambantang melalui tujuah negaro: Argentina, Bolivia, Chili, Kolombia, Ekuador, Peru, jo Venezuela, nan acok disabuik "Negara-Negara Andean" (Andean States).
.jpg)
Rangkaian pagunungan Andes tautamo terdiri dari duo pagunungan gadang Cordillera Oriental jo Cordillera Occidental, nan acok dipisahan jo depresi antaro nan dalam, di mano kamudian muncul rangkaian pagunungan minor, mode Cordillera de la Costa di Chili. Cordillera de la Costa berawal dari ujuang selatan benua jo balanjuik ka utara, paralel jo pantai, tapacah manjadi beberapo pulau nan di bagian awalnyo jo salanjuiknyo mambantuak bateh barat lembah tangah gadang Chili. Ka utara, rangkaian di pesisir ko balanjuik sabagai rangkaian perbukitan atau bukik-bukik terpencil sapanjang Samudra Pasifik sampai mancapai Venezuela, jo selalu mambantuak lembah di bagian barat rangkaian gadang.
Gunuang tatinggi di Andes adolah Aconcagua nan manjulang 6.962 mdpl. Puncak Chimborazo di wilayah Ekuador adolah titiak nan ado di pamukaan bumi nan paliang jauah dari pusat bumi karano ado gelembung khatulistiwa (equatorial bulge). Andes indak dapek manyamoi Himalaya dalam hal katinggian, tapi malabihinyo dalam segi leba dan labiah panjang duo kali lipek jo padonyo.
 |
Wikimedia Commons mampunyoi media nan bahubuangan jo Andes |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
