Konstitusional

Konstitusional  baraka dari kato konstitusi atau dalam bahaso awaknyo Undang Limbago, yang marujuak pado sadoalah langkah politik nan sasuai jo aturan hukum nan balaku di suatu nagara. Karano Undang Limbago adolah hukum paliang tinggi dalam suatu nagara mako suatu tindakan konstitusional dimaknai sabagai sado langkah nan sesuai hukum. Tapi dek karano konstitusi diuraian dalam babagai undang-undang dan lain paraturan parundang-undangan, mako acok kali pamarentah nan mampunyoi kawenangan untuak mambuek undang-undang basamo parlemen (di Indonesia Dewan Perwakilan Rakyat) mako dalam babarapo situasi pelanggaran hukum bisa dianggap pelanggaran taradok paraturan di bawah konstitusi sshinggo untuak manantuan apoko suatu undang-undang tu batantangan atau indaknyo jo konstitusi ditubuahkanlah limbago nan banamo Mahkamah Konstitusi.

Di Indonesia, padi masa pamarentahan Presiden Soeharto yang dikenal juo sabagai era Orde Baru, konstitusi mandapek posisi nan baitu disakralan sahinggo indak bisa diubah barang ciek huruf pun. Tapi samanjak era Reformasi Indonesia alah 4 kali malakukan parubahan Undang Limbago. Dengan parubahan atau amendemen konstitusi tu mako barubah pulolah batasan tantang tindakan konstitusional. Misalnyo  dicantumkannyo Hak Asasi Manusia (HAM) dalam konstitusi mako perspektif HAM manjadi sah sabagai argumen hukum dan politik.