George Washington
From Wikipedia, the free encyclopedia
From Wikipedia, the free encyclopedia
George Washington (22 Pebruari 1732 – 14 Desember 1799) adolah pamimpin politik, panglimo parang, nagarawan, jo pandiri Amerika Sarikat. Inyo manjabaik subagai Presiden Amerika Sarikat nan partamo dari taun 1789 hinggo 1797. Subagai panglimo parang, Washington mamimpin pasukan Patriot dalam Parang Kamardekaan Amerika Sarikat. Inyo mamimpin Musyawarah Parundang-undangan pado taun 1787 nan mahasiakan Undang Tubuah Amerika Sarikat dan pamarintah nan bacorak federal. Di Amerika, Washington dikanang subagai Father of the Nation.
Washington mandapek latiahan militer awalnyo sajak tagabuang dalam Resimen Virginia salamo Parang Indian-Parancih. Inyo kamudian tapiliah untuak duduak di House of Burgesses koloni Virginia dan di Majelis Kontinental. Satalah di Majelis, Washington ditunjuak untuak manjadi Panglimo Angkatan Parang Kontinental. Inyo mamimpin pasukan Amerika nan basakutu jo Parancih dalam pangapuangan di Yorktown, dan mangunduakan diri pado taun 1783.
Washington bapangaruah gadang dalam panyusunan jo pangesahan Undang Tubuah Amerika dan kamudian tapiliah manjadi presiden dek Badan Pamiliah Umum dalam duo pamiliahan umum nan partamo. Subagai Presiden, Washington manyusun sabuah pamarintahan nan kuek sacaro politik dan ekonomi. Inyo mamiliah tatok netral dalam pasaiangan arek duo anggota kabinetnyo nan basubarangan pandangan politik, Thomas Jefferson jo Alexander Hamilton. Pado saaik pacahnyo Revolusi Parancih, Washington mangumumkan kabijakan indak bapihak dan mangesahkan Pajanjian Jay. Inyo manyusun preseden-preseden untuak limbago kapresidenan, cando gala "Mr. President" dan pidato papisahannyo nan kini dipandang subagai salah satu pandangan nan paliang pantiang dalam ideologi republikanisme.
Washington adolah saurang pamiliak budak dan padagang, dan mandukuang langkah-langkah nan diambiak dek Majelis untuak malinduangi institusi pabudakan dan malinduangi kapantiangan nasional. Satalah tu, inyo maraso taganggu jo konsep pabudakan sainggo mambebasan saluruah budaknyo dalam warisan kutiko inyo maningga pado taun 1799. Inyo juo dipandang pantiang kini ateh usaonyo untuak mancampuakan Urang Asli Amerika ka dalam budayo Barat, namun juo sacaro tageh mambanduang pambarontakan kaum tasabuik. Washington adolah anggota Gareja Anglikan dan Freemason, namun manyeru padamaian antaro saluruah agamo subagai surang panglimo parang dan presiden. Pado saaik kamatiannyo, Washington dikanang subagai urang "nan tarutamo di medan parang, nan tarutamo dalam wukatu damai, dan nan tarutamo di hati warga nagaranyo" (first in war, first in peace, and first in the hearts of his countrymen). Pado hari ko, Washington dikanang dalam bantuak patuang, karya seni, namo tampek, parangko, jo mato uang.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.