Inggirih (bahaso Indonesia: Inggris) adolah sabuah nagaro nan marupoan bagian dari Baritania Rayo.[6][7][8] Nagaro iko babatehan jo Skotlandia di sabalah utara, Wales di sabalah barat, Lauik Irlandia di sabalah barat lauik, Lauik Keltik di barat daya, sarato Lauik Utara di sabalah timur, dan Salek Inggirih, nan mamisahannyo dari banua Eropa, di sabalah selatan. Sabagian gadang wilayah Inggirih tadiri dari bagian tangah dan selatan Pulau Baritania Rayo di Atlantik Utara. Inggirih mancakuik pulo labiah dari 100 pulau-pulau ketek bantuak Pulau Scilly dan Pulau Wight.

Untuak kagunoan lain dari Inggirih, caliak Inggirih (disambiguasi).
Untuak negara banamo Baritania Rayo nan acok juo disabuik Inggirih, caliak Baritania Rayo.
Fakta Singkat Inggirih, Ibu kota (dan kota paliang gadang) ...
Inggirih

Thumb
Bandera
Thumb
Lambang
Semboyan: Dieu et mon droit  (Perancis)
"God and my right"[1][2]
Lagu kebangsaan: Indak ado (de jure)
God Save the King (de facto)
Thumb
Lokasi  Inggirih  (ijau tuo)

– di benua Eropa  (ijau mudo & abu-abu tuo)
– di Baritania Rayo  (ijau mudo)

Ibu kota
(dan kota paliang gadang)
London
Bahaso resmiInggirih (de facto)[catatan 1]
Bahaso daerah
nan diakui 		Kernowek
Kalompok etnik
(2009
[3][4])
87.5% Kulik putiah, 6.0% Asia Selatan, 2.9% Kulik itam, 1.9% Ras campuran, 0.8% Cino, 0.8% Lain-lain
DemonimEnglish
PamarintahanNegara non-devolusi konstituen jo monarki konstitusional
• Monarki
Charles III
Vacant
LegislatifParlemen Baritania Rayo
Area
• Total
130.395 km2 (50.346 sq mi)
Populasi
 - Sensus Panduduak 2011
53.013.000[5]
 - Kapadatan
407/km2
Mato uangPound sterling
(GBP)
Zona wakatuGMT
(UTC0)
 - Musim panas (DST)
UTC+1 (BST)
Format tanggalhh/bb/tttt (AD)
Lajua kamudikida
Kode telepon+44
Santo pelindungSanto George
Ranah Internet.uk[catatan 2]
Tutup

Wilayah nan kiniko banamo Inggirih patamo kali diuni dek manusia modern salamo pariode Paleolitikum, tapi namo Inggirih (England) ko barasal dari kato Angles, nan marupoan salah satu suku Jermanik nan manatek di situ pado abek ka-5 dan ka-6. Inggirih manjadi nagaro basatu pado taun 927 M, dan samanjak Zaman Panjalajahan nan dimulai pado abaik ka-15, Inggirih alah mambarikan pangaruah budayo jo hukum nan signifikan ka saluruah dunia ko.[9] Bahaso Inggirih, Gereja Anglikan, dan hukum Inggirih – nan manjadi dasar sistem hukum nagaro-nagaro lain di dunia – barasal atau dikambangkan di Inggirih, dan sistem parlementer nagaro ko lah banyak pulo dicontoh dek nagaro-nagaro lainnyo.[10] Revolusi Industri nan tajadi pado abek ka-18 manjadian Inggirih sabagai nagaro industri partamo di dunia.[11] Royal Society Inggirih baparan pulo dalam malatak an dasar-dasar sains untuak pakambangan ilmu pangatahuan jo teknologi.[12]

Topografi Inggirih ampia sadonyo tadiri dari dataran randah dan bukik-bukik, khususnyo di Inggirih bagian tangah dan selatan. Dataran tenggih tadapek di bagian utara (contohnyo di pagunuangan Danau District, Pennines, sarato Yorkshire Dales) dan di barat daya (contohnyo Dartmoor dan Cotswolds). Ibu kota Inggirih dulunyo adolah Winchester, satalah tu digantian dek London pado taun 1066. Kini, London adolah wilayah metropolitan nan paliang gadang di Baritania Rayo dan zona parkotaan nan paliang gadang di Uni Eropa manuruik lueh wilayah.[catatan 3] Panduduak Inggirih bajumlah sakitar 53 juta jiwa, atau sakitar 84% dari total populasi Baritania Rayo sacaro kasaluruahan, panduduak-panduduak ko tapusek di London, Inggirih Tenggara, dan di Midlands.

Karajaan Inggirih (satalah taun 1284 tamasuak pulo Wales) adolah sabuah nagaro badaulek sampai tanggal 1 Mai 1701. Satalah tu, Undang-Undang Kasatuan nan manyatokan bahwa Karajaan Inggirih dan Karajaan Skotlandia disatukan sacaro politik untuak mambantuak Karajaan Baritania Rayo disahkan pado taun 1707.[13][14] Pado taun 1801, Baritania Rayo basatu jo Karajaan Irlandia satalah disahkannyo Undang-Undang Kasatuan 1800 dan kamudian namonyo baganti manjadi Karajaan Basatu Baritania Rayo dan Irlandia. Pado taun 1922, Negara Bebas Irlandia badiri sabagai domini nan tapisah, namun anam county di Irlandia Utara tatek mamiliah untuak manjadi bagian dari Baritania Rayo, nan kamudian mambantuak Karajaan Basatu Baritania Rayo dan Irlandia Utara, yaitunyo konteks Baritania Rayo nan dikenal sampai kini ko.

Caliak pulo

Ikon portal Portal Baritania Rayo

Catatan

  1. [C 1]
    Bahaso Inggirih tabantuak karano panggunaannyo sacaro de facto.
  2. [C 2]
    Didaftaran di Baritania Rayo, bukannyo di negara konstituen.
  3. [C 3]
    Manuruik Badan Statistik Eropa, London adolah Zona Parkotaan paliang gadang manuruik konurbasi daerah-daerah nan bapanduduak tenggih. Pameringkatan badasarkan pado populasi dalam bateh-bateh kota manempatkan London di posisi partamo. Namun, Universitas Avignon di Perancis mangklaim bahwa Paris adolah nan partamo dan London nan kaduo jikok manyertakan daerah parkotaan dan dataran gigia sacaro kasaluruahan.

Rujuakan

Pranala lua

Wikiwand in your browser!

Seamless Wikipedia browsing. On steroids.

Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.

Wikiwand extension is a five stars, simple, with minimum permission required to keep your browsing private, safe and transparent.

Chrome
Wikiwand for Chrome
Firefox
Wikiwand for Firefox