![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/24/Church_of_the_Pater_Noster_ty_ja.jpg/640px-Church_of_the_Pater_Noster_ty_ja.jpg&w=640&q=50)
Reo Tahiti
From Wikipedia, the free encyclopedia
Ko te reo Tahiti (te reo Mā‘ohi) te reo e kōrerongia ana i runga i te motu o Tahiti, he wāhanga o Porinīhia Wīwī. Nō te mea hoki kua riro tēnei motu hei pokapū matua mō ngā motu kē o Porinīhia Wīwī, e whakamahia ana tēnei ingoa e ngā tauiwi me te kāwanatanga o Wīwī ki te kōrero mō ngā reo e rima e kōrerongia ana e ngā tāngata whenua o ngēnei motu. He tino whanaunga te reo Tahiti ki te reo Māori. E mōhiotia whānuitia te kōrero mō te taenga mai o Kāpene Kuki ki Aotearoa. Ko tētahi rangatira nō Tahiti i runga i tana kaipuke, ko Tupaea tērā; tāna mahi he kōrero ki ngā Māori o Aotearoa nei i roto i te reo Tahiti: mārama noa tana reo ki a rātou, kāore i tino uaua te whakarongo mai, whakarongo atu.
![](http://upload.wikimedia.org/wikipedia/commons/thumb/2/24/Church_of_the_Pater_Noster_ty_ja.jpg/640px-Church_of_the_Pater_Noster_ty_ja.jpg)
Kāore anō tēnei reo kia whakamōhiotia hei reo motuhake, otirā, kua karangahia kētia tēnei reo hei "reo-ā-iwi". E ai ki te ture o Wīwī, ko te reo Wīwī anake te reo e tiakina ana i raro i te maru o te ture.
Ko ngā ingoa tika o ngā reo Porinīhia e kōrerongia ana i roto i a Porīnihia Wīwī ko te reo Tahiti, ko te reo ʻEnana, te reo Tuamotu, te reo Mangareva me te reo Tuhaʻapae
ʻIa orana | Kia ora |
E aha tō ʻoe huru? | Kei te pēhea koe? |
Maitaʻi vau. | Kei te pai ahau. |
ʻAe | Āe |
ʻĒ | |
ʻAita | Kāo |
Māuruuru | Ngā mihi |
Nānā | Ka kite anō. |