Amerika-ki-te-Raki
paparahi / From Wikipedia, the free encyclopedia
Ko Amerika-ki-te-Raki tētahi paparahi e noho katoa ana ki te tuakoi raki, ā, mō te nuinga ki te tuakoi whiti; tērā rānei he wāhanga noa iho o te paparahi o Amerika. Takoto ana te Moana Arctic ki tōna roherohe whakateraki, te Moana Ranatiki ki te rāwhiti, te Moananui-a-Kiwa ki te hauāuru, ā, noho ana te paparahi o Amerika-ki-te-Tonga me te Moana Karipiana ki tōna paeroa.
Rahi | 24,709,000 km2 (9,540,000 sq mi) |
---|---|
Taupori | 565,265,000 (2013, 4th) |
Taupori kiato | 22.9/km2 (59.3/sq mi)[1] |
GDP tūtapa | $20,300 piriona (2013, 2nd) |
GDP tūtapa per capita | $20,900 piriona (2013, 2nd) |
Ingoa tangata | North American |
Whenua | 23 (Mātai Whenua Tōrangapū) |
Takiwā whirinaki | 22 (rārangi) |
Reo | Reo Pākehā, Reo Pāniora, Reo Wīwī, and many others |
Wāhiwā | UTC-10 ki UTC |
Ētahi atu tāone hira | Rārangi rohe metropolitan ki Amerika-ki-te-Raki:[2] Mexico City Niu Ioka Ngā Ānahera Chicago Toronto Dallas–Fort Worth Hana Paraniko Houston Miami Philadelphia Atlanta |
Ko Amerika-ki-te-Raki te paparahi tuawhā ā-taupori (565 miriona tāngata i 2013) tae rā anō ki ngā moutere pātata (pērā i ngā Moutere Karipiana). Koia te paparahi tuatoru ā-rahinga whenua me ōna km2 e 24,709,000, arā āhua 16.5% o te matawhenua o te ao, 4.8% rānei o te mata o te ao. E 23 ōna wehenga motuhake.
Nō te wāhanga kōpaka pāmuri ngā iwi tangata tuatahi i tae atu ki ‘Amerika-ki-te-Raki’, mā te whakawhiti i te arawhiti whenua Bering. I whakaotia te wāwāhanga onamata o te wāhanga mua-Columbia e te taenga mai o ngā kairarau Ūropi nō te Takiwā Tūhura.
Whakaatu ai ngā ahurea me ngā momopori ō nāianei i ngā taunekeneke i waenganui i ngā kaitāmi Ūropi, ngā iwi taketake, ngā pononga Āwherika me ā rātou mangainga. He kaha ake te awenga Ūropi ki ngā rohe whakateraki o te paparahi, ā, he kaha ake ngā awenga iwi taketake, nō Āwherika rānei ki te tonga. Nō te kaha o te awenga kaitāmi Ūropi, ka kōrero te nuinga o ngā tāngata nō Amerika-ki-te-Raki ō nāianei i te reo Ingarihi, te reo Pāniora, te reo Wīwī rānei, ā, whakaatu ai ēnei hapori me ā ratou wehenga i ngā tikanga Hauāuru.