Васильев, Валериан Михайлович
сотыеҥ, шанчызе-энциклопедист, литератор, филологий шанче доктор / From Wikipedia, the free encyclopedia
Ӱпымарий (Валериан Михайлович Васильев) (1883 шорыкйол 1 (шорыкйол 13), Россий империй, Ӱпӧ губерний, Пӱрӧ уезд, Тумна ял (кызыт Тумна сола)) — 2 ага 1961, Йошкар-Ола ола) — сотыеҥ, шанчызе-энциклопедист, литератор, филологий шанче доктор (1957), этнограф, фольклорист, почеламутчо, туныктышо, музыковед, кусарыше. Валериан Михайлович — шанче степеньым налше марий-влак коклаште икымше улеш. "Марий шанчын ачаже" — лӱмым илымыж годымак пуэныт. Пошкырт Эл Янаул кундемысо Тумна ял гыч. Тудын лӱмжым Йошкар-Олан ик уремже да МарНИИЯЛИ нумалыт. Валериан Михайлович - тиде чоклымаш деч варасе лӱм, 1902 ийыште тынеш пурен. Чоклымаш деч ончыч тудо Вастайн Кайсан Темьян (рушла Вастаев Темьян Гайсинович) лийын.
Валериан Михайлович Васильев | |
---|---|
Ӱпымарий | |
Шочмаш дене лӱм | Вастайн Кайсан Темьян |
Шочын | 13(1).01.1883 |
Шочмо вер | Россий империй, Ӱпӧ губерний, Пӱрӧ уезд, Тумна ял |
Колен | 1961 ий 2 ага(1961-05-02) |
Колымо вер | Йошкар-Ола ола |
Эл | |
Тыршымаш алан | йылмызе, этнолог, краевед |
Чап пӧлек да премий |
Марий АССР Президиум Верховный Советын Чапкагазше (1958) |
Тумна шочмо ялыште Валериан Михайловичлан чапкӱ шога. Шочмыжлан 100 ий темме лӱмеш шочмо ялыштыже пӧрт-тоштерым ыштеныт.