I Joany Batista na Jaona Mpanao Batisa dia olo-malaza eo amin' ny kristianisma ary mpaminanin' ny finoana silamo. I Zakaria no rainy ary i Elizabeta bo reniny. Amin' ny teny hebreo dia atao hoe יוחנן / Yohanan izy. Ara-tantara, ny fisiany dia hamarinin' ny andalan-teny avy amin' i Flavio Jôsefa. Mpitory teny jiosy izy tamin’ ny andron’ i Jesoa izy.
Joany Batista
| |||
| Ankapobeny | |||
| Anarana | Joany Batista | ||
| Teraka | Tsy fantatra | ||
| Fiaviana sy ny andraikitra | |||
| Asa : | Tsy fantatra | ||
| Fiainana manokana | |||
I Joany Batista ao amin' ny kristianisma
Ny Evanjelin' i Joany dia manondro ny toerana niasany eo amoron' i Jordana sy ao Betania any an-dafin' i Jordana. Mety nitoetra fotoana kelikely tao amin' ny manodidina azy i Jesoa, ka tao no nitaona ny apôstôliny voalohany. Ny filazantsara sinôptika dia mampiray ny fiandohan' ny asan' i Jesoa amin' ny fampigadrana an' i Jaona.
Nitombo hatrany ny mpihaino an’ io mpaminany apôkaliptika io, ka nanaitra an' i Herôda Antipasy, izay natahotra sao hiteraka fikomiana, rehefa nahita azy nanangona ny mpomba azy. Araka ny filazantsara sinôptika dia novonoina ho faty i Joany satria nanakiana ny fanambadian' i Antipasy an' i Herôdiasy.
Ao amin’ ny kristianisma, i Joany Batista no anisan' ny mpaminany nanambara mialoha ny fiavian' i Jesoa sy nanao batisa azy teo amoron' i Jordana, ary namela ny mpianany sasany hiaraka aminy. Mpialoha lalana ny Mesia i Joany izay aseho ao amin' ny filazantsara sinôptika fa manana toetra maro itoviany amin' i Elia mpaminany, izay tsy voalaza ao amin' ny Evanjelin' i Joany.
Ny Katôlika dia manao azy ho olomasina ary manokana fety roa ho azy: ny 24 Jona, izay fahatsiarovana ny nahaterahany, napetraka enim-bolana alohan' ny Nôely na Krismasy mba hifanaraka amin' ny tantaran' ny fahazazan' i Jesoa ao amin' ny Evanjely nosoratan' i Lioka, ary ny 29 Aogositra, izay ankalazana ny fahatsiarovana ny fanapahan-doha azy.
I Joany Batista ao amin' ny fivavahana hafa
Ny mandeisma dia manao azy ho mpaminany lehibe indrindra. Ny Mozilmana dia manao azy ho mpaminany taranak' i 'Imrān sady miantso azy amin'ny anarana hoe Yahya.
Jereo koa
Rohy ivelany
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
