From Wikipedia, the free encyclopedia
Ny Bug Andrefana na Bug fotsiny dia renirano ao Eorôpa Atsinanana, zana-tsakelidranon' i Vistula eo alohan' ny sakelidrano Narev (na Narew). Any Okraina ny loharanony, 70 km ao atsinanan' i Lviv. Mikoriana mianavaratra ilay renirano ary mandrafitra ny sisin-tany (363 km) manasaraka an' i Okraina amin' i Pôlônia kilometatra vitsivitsy any ambanin' i Tchervonograd, avy eo mandalo eo anelanelan' i Pôlônia sy i Belôrosia any ambony sy any ambanin' ny tanànan' i Brest. Avy eo dia miolaka miankandrefana ilay renirano, ka any izy no mikambana amin' i Vistula tsy lavitra an' i Varsovia. Mifangaro amin' ny an' i Narev ny ranony ary avy eo amin' ny an' i Vistula dia mivarina any amin' ny Ranomasina Baltika amin' ny farany.
Maherin' ny 772 km ny halavan' ilay renirano, ka ny 587 km dia ao Pôlônia; azon' ny sambo andehanana avy any ambonin' i Brest izy. Misy lakandrano mampifandray an' i Bug Andrefana amin' i Dniepr sy amin' i Niemen. Mirefy 39 420 km² ny velaran' ny faritanin-dranony, ka ny antsasany eo ho eo — 19 284 km² — dia any Pôlônia.
Atao hoe Bug izy amin' ny teny pôlôney, Заходні Буг / Zachodni Buh amin' ny teny bielôrosiana, Западный Буг / Zapadny Bug amin' ny teny rosiana, Західний Буг, Zakhidnyi Bug na Буг / Buh fotsiny amin' ny teny okrainiana.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.