From Wikipedia, the free encyclopedia
Ny harena an-kibon' ny tany na harena ambanin' ny tany dia akora miangona voajanahary, izay mety ho vainga na ranoka na etona, ao ambanin' ny vohon' ny tany, izay miseho amin' ny endrika sy habetsaka ahafahana mitrandraka azy ho amin' ny fiharian-karena. Ny sandan' ireo loharanon-karena ireo dia voatombana ihany fa tsy hita fisiana manontolo. Ny tahirin-karena voaporofo fisiana dia ampahany amin' ny loharanon-karena izay sady fantatra ny toerana misy azy ao ambanin' ny tany no azo trandrahina ka hahitana tombony araka ny fepetra ara-kaitao sy ara-toekarena. Tsy fantatra kosa ny toerana misy ny tahirin-karena an-kibon' ny tany tsy voaporofo fisiana.
Ny fanombanana ny habetsahan' ny loharanon-karena ao amin' ny faritra iray dia miankina amin' ny mpihazaka maro momba ilay tahirin-harena, ka anisan' izany ny toerana misy azy, ny halaliny, ny habeny, ny endriny, ny toetra ara-mineraliny, ny hatsarany, ny hakitrokany, ny toetoetra ara-jeôlôjikany, ary ny elanelany amin' ny loharanon-karena akaiky azy. Raha momba ny solitany, ohatra, dia fantarina ny fihirihan' ny vato, ny fitsilolin' ny tsindry ary ny maripana.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.