Bokin' i Ezekiela
From Wikipedia, the free encyclopedia
Ny Bokin' i Ezekiela dia boky ao amin' ny Tanakh (Baiboly hebreo) sy ny Testamenta Taloha ao amin' ny Baiboly kristiana. Milaza fitsarana sy fandrahonana ny Israelita ny faminaniana raha mbola tsy rava ny Fanjakan' i Jodà, fa faminaniana ny fanamelohana ireo firenena mpampahory ny vahoakan' Andriamanitra sy fanantenana ny hiverenan' ny voninahitr' i Israely kosa no votoatin' ny faminanianana nandritra ny Fahababoana tany Babilôna. Ho tsaraina amin' ny asa nataony avy ny olombelona tsirairay sady hisy ny fitsanganan' ny maty ho velona. Haorina fanindroany ny Tempoly. Izany dia fahitana apôkaliptika.
![Thumb image](http://upload.wikimedia.org/wikipedia/commons/thumb/4/48/Quinten_Massys_Vision_des_Propheten_Ezechiels.jpg/640px-Quinten_Massys_Vision_des_Propheten_Ezechiels.jpg)
Isan' ny atao hoe Mpaminany lehibe ao amin' ny sokajin' ny Bokin' ny mpaminany ao amin' ny Baiboly ny Bokin' i Ezekiela, fa isan' ireo atao hoe Nevi'im aharonim ("Mpaminany taoriana") izy ao amin' ny fizaràna faharoan' ny Tanakh (Baiboly hebreo) atao hoe Nevi'im.