Торама
From Wikipedia, the free encyclopedia
Торама — тя кядьёнкссь пяк вии, кайги. Торамать кувалмоц пачкотькшнесь 100 сантиметратненди. Сявондсть келувонь или ушторонь виде тарад, пачк лазондозь сонь, лазф пялькснень потмоснон карсезь, тиендезь почконь лаца. Меле ня лазф пялькснень меки токафнезь фкя-фкянди и ашкорязь куйгорса. Шуфтть карсезь стане, што почкть фкя пец лисендсь сяда тяйняня, а омбоце пец сяда кели.
Ульсть лия тораматка, нят сяда нюрьхкянятольхть, 50-80 сантиметра. Синь тиендезь пичень керста, мянтьф керхнень песна тонгондовсть фкя фкас, а меле вадендевсть столярнай клейса.
Тораматнень бокс варянят ашесть пяленде. Кунардонь пинкнень торамаса макссесть вайгяль фкя-фкянди стадань ваныхне. Торамаса морвесть постуфне шобдава стадать панемста, торамась макссесь вайгяль обедъёткть, штоба кудазораватне содалезь, коса стадась, коза молема траксонь потяма, ди торамаса морсесть илять стадать вели панемстонза. Кой-кона мокшень велетнень эса тянивок тиендихть торамат шабатненди налхкшенди.
Торама — оцю турба, конань Тюштя оцязорсь мокшень ломатненди илядозе сонь мекольце тумонц инголе. Мзярда сявихне сайхть мокшень мастору эряволь турамс тянь торамас сонь тердемс и сон саль лездомс.