Тройця - инь оцю тундань мокшень илась, мекольцесь тундань илатнень йоткса. Тя пингти видемась аделсевсь ни. Кристозшида инголе тя пингста йотафнесть Велень озкс. Тройцянь илатнень эса улихть лама кунардонь Кристозшида ингольдень койда. Ся пингть ломатть шнакшнихть панжи, пижелды перьфпяльть, сянгяря шуфттнень, келунятнень. Тарадса мазопнезь куттнень, повфнесть тараткат вальмятненди, кенкшнень вельхксс, тарадса мазопнезь церькавтьке. Стирьхне Тройцянь таргаста (недляня) йакасть панчфонь ашкотфса, тонгодсть панчфкат сёралозост, меле сембе пуромкшнесть мазопнеф келунять перьф. Келунянкса якасть стирьхне Тройцянь алда шить эли шобдава Тройцянь шиня. Тройцять келуня морса лемнезь "кизонь шинякс". Стирьхне келунять мархта вятнезь вели кизоть. Тяда ингольдень пингста келунять ваяфнезе ведти, эняльдсть Ведявати штамс кизонь шить шаманц. Меле йотафнезе веле кувалма.Тройцянь таргать аделамста сембе лисендсть тундань ильхтема (първажама). Тяфтама ила йотафневихть тячивок. Тундань ильхтемста тяфта же мазопнесть инголе кантф келуня. Фкя стирня кочксевсь тундакс, сонь прясонза оцю ашкотф. Кой-кона велева тяфтама ашкотфть кандозь оцю олгонь песа эли сотнекшнезь келунять пряс. Оцю велетнень эса эрь курнясь мазопнесь эстеенза Стирь тунда. Кой-кона велетнень эса ашкотфса наряжакшнесть стирьшабаня. Уленди келу вастс тундань ильхтихне кандыхть сянгяря тарадста тиф крёз. Тундань ильхтема сашендсть тарадса щаф вирь ломатть. Наряжакшнесть Виряватка. Тиендезень ломатть ди ракшат тарадста, тишеста ди панчфса. Кочкасть Каньфонь ърьвяня ди Пиди палаксонь ърьвяня, синь нинге лемнезень потишкакс. Вяре азф иласа полаяйда башка щакшнесть иля ломатть ърьвяяйкс ди ърьвянякс, атякс ди бабакс, офтокс эди с. т. Нятнень курнява молемста каванякшнезь позаса, пуреса. Наряжафне тянкса морсесть морхт, къштисть, къштимасост няфнесть кодамога паксянь тефт, курнява молихнень, ванондыхнень валондозь пуреса, позаса, ляпоняста эрьхнезь тарадса, панчфса ди с. т. Тяфта арьсесть теест шумбраши, касфнезь эрьгаснон.
![]() |
Тя лама смузьшинь лопаса няфневихть сембе сёрматфксне сюлмафт сяка лопаконякс вельде. Саньдярят тяза Википедиень потмоширень сюлмафкс вельде, арьсек, шятьта эряви тя сюлмафксть полафтоманза эди вешф сёрматфксть сотнеманза. |
Кяльвалсь
![]() |
Тройця Википърдафксса |
---|
- Сафонова Н.А. Празднично-обрядовые традиции мордвы в контексте региональной культуры Южного Урала // Культура и цивилизация. 2019. Том 9. № 5А. С. 133-142. (руз.)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.