From Wikipedia, the free encyclopedia
Михайила Петров (руз.: Петров Михаил Трофимович) (шач. 19 ноябрьста 1924, Пою веле, Инзарань район, Мордовия — кул. 24 июньста 2013) мокшень сёрмадысь ди журналистсь. Мордовиянь калконь сёрмадысь (1995 к). Россия масторонь сёрмадыень сотксонь якай (1975 к.).
«А было так» васенце повестец азондсь мокшень велеть торпингта мельдень эряфонц колга. Петров сёрмадсь аф фкя эрямопингонь покама, синь козякофтозь мокшень романистикать. Содаф Петровонь «Румянцев-Задунайский» романоц, китапса няеви вии ломань эрямопингса вастоц, азондови ся пингть колга, мзярда мокшень калксь сувась Россия мастору.
XVIII-XIX веконь Россия масторть няйсаськ Ушаковонь Фёдор колга «Боярин Российского Флота» эрямопингонь романцта. Покамаса корхтави адмиралть моря лангонь якаманзон колга, няфтеви Ушаковонь эряфоц юронь кудса Мордовияса.
Романистсь Петров мокшень калкть эряфонц няфтемста кепсевсь марнек Россия масторонь эди масторлангонь эрямопингонь тефненди. Сон сёрмадсь «Красный колосс» политиконь роман. Ломаньтъналонь эрямопингть сёрмадысь арьсекшнесы «Алёна Арзамасская» романца, тяса мртцетяма 1670-1671 кизонь Сокай-видиень торпингти.
Петров – мокшень литературонь вельмофтемань ди виияфтомань Фондть пуромксонц оцюняц (1992 к.).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.