From Wikipedia, the free encyclopedia
Ганибал (Пунокс Hanniba'al חניבעל, Ба'ал - монь цебярьшизе, эли Ба'ал цебярьшись мондине максозе; шач. 247 к. м. п. и – кул. 183 к. м. п. и.) - Картагенонь ушмовятись ди тактикань содайсь Баркань тъналста, Гамилькар Баркань цёрац, содаф кода ломанень эрямопингонь ине ушмовятихнень эзда фкясь. Эрясь стака Модакучкастонь ширеть эрямопингонь ёткста, мъзярда Рим (меле Римонь республик) тяряфнесь сявомс кядялу Картаген, Македония, Сиракуза ди Селевкидонь оцязоргирдема. Сон сембода содаф сембе картагенонь тюремань вятида. Сембода оцю сатфксоцоль кувака ётама Омбоце Пунонь Торбинге ёткста, мъзярда сон вятезь оцю ушмонц тюремань вирьварда мархта Иберияста Пиренейхнень ди Альпнень туркс кельмеширень Италияв.
Ганибал | |
---|---|
![]() | |
шачень | 247 м. п. и. |
шачема васта | |
куласть | 183 м. п. и. |
кулома васта | |
мастор | |
тев теят | политиксь, полководец |
аляй | Гамилькар Барка[d][1] |
мирде | Имилька[d] |
ърьвя | Имилька[d] |
итть | Aspar Barca[d] |
казнет | |
![]() |
Италияв самда меле сон тапазень римонь ушмоснон Требия ваксса, Тразименонь эрьхке ваксса ди Канна ваксса. 10 кизода лама тюрезь римэряйхнень мархта сон търясь-кирдсь сонь ушмонц Италияса аньцек изь сяське Рим мархта. Рим Африконь лангс върьгятемда меле теенза савсь мърдамс Картагену коса сонь ушмоц тапафоль Зама ширеса.
Торбингта меле сон тись лама оцю политиконь ди ярмаконь полафтомат Картагенца. Римонь вяре ащихне вешесть Ганибалонь панемать ди сон тусь Селевкидонь оцязоргирдемав эди кармась тонафтома Антиох III тюремань вятемати мъзярс Антиох III тюрьсь Рим мархта. Антиох III-ть тапафоль ди макссь пря Римти. Ганибал ворьгодсь Арменияв коса сон лездсь од пряош тиеманди. Мекольце Ганибалонь эряма васта ульсь Битинияса, коса сон аноклась сембода оцю иневедень върьгятема Рим лангс, интай сонь мизь римэряйхненди ди сон симсь кулофнема симомбяльда.
Ганибал лувови масторлангонь ушмовятихнень ди тактикань содайхнень эзда васенцесь. Тюремань эрямопингонь содайхне сонь лемнезь "стратегиянь аляц", сяс мес Рим тонадсь лама тюремань утлокти мархтонза тюремада меле. Содаф азфкя лувови Ганибалонь "Минь эли мусаськ лисема васта, эли сонь тисасьск."
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.