Авань поза – сире мокшень илась, конась ётафневоль видемда инголе азорава ваныхнень (Шкайть лездыензон) лемс (синь ванфтозат мяльснон, ляпофтомс седиснон эди арьсельхть тяда меле пара ломаттненди). Эрь кизоня велеряйхне кочкальхть (путольхть) азорава, конань кудса сяльде тиельхть илань поза. Пяденцяста ётафтольхть пазмора, коса эняльдсть сембе Шкаень лездыхненди-азораватненди, ваныхненди шумбрашинкса, цебярь шачема-касоманкса (паксянь и перень). Ёткшиста иланди печкольхть уча, тиельхть илань ярхцама шабатненди. Ярхцамда меле синь каванялезь (симделезь) позада. Таргшиста (недляшиста) тиелезь "Авань поза" илать. Велень кочкаф азоравась терделезень сембе велеряйхнень илати (эрь кудста теенза максольхть ал). Илада инголе тага лувольхть пазмора и озондольхть. Къда кудса ульсь од ърьвяня, теенза эряволь сюконямс сире велеряйхненди, конат, сюконямда меле бславалезь рьвянять цебярь эрямас. Авань поза илада меле поздна илять илань кядьгонятнень максолезь ся кудть азораванцты, коса сай кизоть тиельхть ила. Кой-кона Ковылкинскяй райононь велетнень эса (Мокша масторса) Авань поза илась ётафневи тяниге.
Кяльвалсь
- Евсевьев М. Кочкаф покамат, Т. 5 Мокшень ървяямась. Саранош, 1966.
- Девяткина Т. Мокшень эди эрзянь мифологиясь. Энциклопедие. 3-це нолдамась. - Саранош, 2007. Кялень латцихне: Надейкина Татю, Венчакова Аню
- Harva U. Die religiosen Vorstellungen der Mordwinen. Helsinki, 1952. N106-108
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.