From Wikipedia, the free encyclopedia
Thomas Alva Edison (lair 11 Februari 1847 – seda 18 Oktober 1931 dong umure 84 taun) kuwe penemu lan pengusaha sing ngembangna akeh peralatan penting. Thomas Alva Edison kiye penemu pertama sing nerapna prinsip produksi massal maring proses penemuan.
Thomas Alva Edison | |
---|---|
Edison, 1922 | |
Lahir |
11 Februari 1847 Milan, Ohio |
Meninggal |
18 Oktober 1931 (umur 84) West Orange, New Jersey |
Pekerjaan | penemu, ilmuwan, pengusaha |
Agama | Deist |
Pasangan |
Mary Stilwell (m. 1871–1884) Mina Edison (m. 1886–1931) |
Anak |
Marion Estelle Edison (1873–1965) Thomas Alva Edison Jr. (1876–1935) William Leslie Edison (1878–1937) Madeleine Edison (1888–1979) Charles Edison (1890–1969) Theodore Miller Edison (1898–1992) |
Orang tua |
Samuel Ogden Edison, Jr. (1804–1896) Nancy Matthews Elliott (1810–1871) |
Kerabat | Lewis Miller (morotuwo) |
Thomas Alva Edison lair nang Milan, Ohio, Amerika Serikat tanggal 11 Februari 1847. Dong esih cilik nang Amerika Serikat, Edison mesti olih biji sing elek nang sekolahe. Mulane Edison banjur metu sekang sekolah lan diwulang nang biyunge dhewek nang omah. Nang omah Edison cilik teyeng maca buku-buku ilmiah wong gedhe lan mulai gawe percobaan ilmiah dhewek. Dong umure 12 taun Thomas Alva Edison mulai kerja dodolan koran, buah-buahan lan kembang-gula nang sepur. Terus Edison dadi operator telegraf, dheweke pindah sekang siji kota maring kota liyane. Nang New York, Thomas Alva Edison dijaluk dadi kepala mesin telegraf sing penting. Mesin-mesin kuwe ngirimna berita bisnis maring kabeh perusahaan penting nang New York.
Taun 1870 Thomas Alva Edison nemokna mesin telegraf sing lewih apik. Mesin-mesine teyeng nyetak pesen-pesen nang pita kertas ding dawa. Duwit sekang hasile penemuan kuwe cukup kanggo ndirikna perusahaan dhewek. Taun 1874 Thomas Alva Edison pindah maring Menlo Park, New Jersey. Nang kana Thomas Alva Edison gawe bengkel ilmiah sing gede lan sing pertama nang donya. Seuwise kuwe Thomas Alva Edison nggawe akeh penemuan-penemuan sing penting. Taun 1877 Thomas Alva Edison nemukna Gramofon. Taun 1879 Thomas Alva Edison nemukna lampu listrik, uga nemukna proyektor kanggo film-film cilik. Taun 1882 Thomas Alva Edison masang lampu-lampu listrik nang dalan-dalan lan umah-umah nganti jarak siji kilometer nang kota New York. Kiye pertama kali nang donya lampu listrik dienggo nang dalan. Taun 1890, Thomas Alva Edison ndirikna perusahaan General Electric.
Edison kuwe dianggep dadi salah sijining pencipta sing paling produktif nang jamane, nyekel rekor 1.093 paten atas jenenge. Thomas Alva Edison uga akeh ngrewanginang bidang pertahanan pemerentahan Amerika Serikat. Hasil penelitiane antara liya: ndeteksi pesawat terbang, nghancurna periskop nganggo senjata mesin, ndeteksi kapal selam, ngendhegna torpedo nganggo jaring, ningkatna kekuatan torpedo, kapal kamuflase, lan esih akeh sing liyane.
Thomas Alva Edison séda umur 84, pas dina ulang tahun penemuane sing kondang, bola lampu modern.
Taun 1928 Thomas Alva Edison nampa penghargaan medali khusus sekang Kongres Amerika Serikat.
Wikiquote nduweni koleksi kutipan sing ana kaitane karo: |
Wikimedia Commons nduweni kategori mengenai Thomas Alva Edison |
Wikimedia Commons nduweni kategori mengenai Thomas Alva Edison |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.