ກຸ່ມຊາດພັນ From Wikipedia, the free encyclopedia
ໄທສະຫຍາມ ຫຼື ໄທຍ໌ສະຫຍາມ (ໄທ: ไทสยาม หรือ ไทยสยาม) ແມ່ນກຸ່ມຊາດພັນເຊິ່ງເວົ້າພາສາໄທກາງ ຫຼື ເຊື້ອຊາດໄທສະຫຍາມຜະສົມຢູ່ ສ່ວນໃຫຍ່ອາໄສຢູ່ໃນປະເທດໄທ ແລະອາໄສກະຈາຍຢູ່ປະເທດອື່ນທົ່ວໂລກ ໂດຍຄົນໄທຍສ່ວນໃຫຍ່ນັບຖືສາສະໜາພຸດ ຮອງລົງມາຄື ສາສະໜາອິສະລາມແລະ ສາສະໜາຄິດ ໃນຄວາມໝາຍທາງຊາດພັນ ໃຊ້ສະເພາະເຈາະຈົງເຖິງຄົນໄທພາກກາງຫຼືເດີມເອີ້ນວ່າ ຊາວສະຫຍາມ ແຕ່ໃນຄວາມໝາຍມຸມກວ້າງ ສາມາດໝາຍຄວາມຄອບຄຸມເຖິງກຸ່ມຊາດພັນໄທອື່ນໆ ທັງນອກແລະໃນລາຊະອານາຈັກ ເຊັ່ນ ໄທໂຄລາດ ໄທອີສານ ໄທໂຍເດຍ ຫຼື ໄທເກາະກົງ ເຊັ່ນກັນ
 ໂຂນ ການສະແດງຂອງໄທສະຫຍາມ | |
| ປະຊາກອນທັງໝົດ | |
|---|---|
| ປະມານ 70 ລ້ານຄົນທົ່ວໂລກ | |
| ພູມິພາກທີມີປະຊາກອນຢ່າງສຳຄັນ | |
 ໄທ | ປະມານ 64,200,000 |
 ສະຫະລັດອາເມຣິກາ | 350,000 |
| [1] | |
 ປະເທດຈີນ | 139,000 |
 ໄຕ້ຫວັນ | 68,618[2] (2010) |
 ປະເທດມາເລເຊຍ | 65,000[3] |
 ປະເທດອົດສະຕະຣາລີ | 53,403[4] (2011) |
 ເຢຍລະມັນ | 52,849[5](2007) |
 ສິງກະໂປ | 56,744[6] |
 ຊູແອດ | 43,556[7](2019) |
 ຍີ່ປຸ່ນ | 41,279[8] (2010) |
 ມຽນມາ | 41,000 |
 ຫວຽດນາມ | 40,290 |
 ກຳປູເຈຍ | 39,556[9] |
 ສະຫະລາຊະອານາຈັກ | 35,010[10] (2010 est.) |
 ຮົງກົງ | 30,000[11] |
 ອາຣັບບີ ຊາອູດິດ | 23,000[12] |
 ເກົາຫຼີໃຕ້ | 19,000 |
 ປະເທດນູແວນເຊລັງ | 18,000 |
 ປະເທດນອກແວ | 15,583[13] (2013) |
 ປະເທດລັດເຊຍ | 15,291 |
 ປະເທດອິນໂດເນເຊຍ | 13,010 |
.svg){kind=small} Canada | 10,500[14] (2006) |
 ຟີລິບປິນ | 10,000+[ຕ້ອງການອ້າງອີງ] |
 United Arab Emirates | 10,000 |
 Bahrain | 9,670 |
 Denmark | 8 580[15] (2012) |
 Switzerland | 8,170 |
 Qatar | 7,800 |
 Finland | 7,302[16] (2011) |
| ພາສາ | |
| ພາສາໄທ | |
| ສາສະໜາ | |
| ພະພຸດທະສາສະໜາ ນິກາຍເຖຣະວາດ | |
| ກຸ່ມຊາດພັນທີກ່ຽວຂ້ອງ | |
| ລາວ, ໄທໃຫຍ່, ໄທລື້, ຈ້ວງ, ອາຫົມ | |
ກຸ່ມຊາດພັນໄທ-ກະໄດ ໃນອະດີດເຊື່ອກັນວ່າຊົນຊາດໄທສະຫຍາມເປັນຊາດພັນບໍລິສຸດແລະເປັນຕົ້ນກຳເໜີດຂອງທຸກຊາດພັນໃນກຸ່ມຊາດພັນໄທ-ກະໄດ ທິດສະດີດັງກ່າວຖືກຍົກຂຶ້ນມາໃນສະໄໝຊາດນິຍົມຂອງຈອມພົນປ.ພິບູນສົງຄາມ ເຊິ່ງມີການສະເໜີວ່າ ຊາວໄທ (ຮວມໃນໄທ-ກະໄດທັງໝົດ) ອົບພະຍົບມາຈາກເທືອກເຂົາອັນໄຕມາຕອນກາງຂອງປະເທດຈີນສ້າງອານາຈັກນ່ານເຈົ້າໃນບໍລິເວນຈີນຕອນໃຕ້ແລ້ວອົບພະຍົບລົງມາທາງຕອນໃຕ້ສ້າງເປັນອານາຈັກລ້ານນາແລະອານາຈັກສຸໂຂໄທແລະອານາຈັກອະຍຸທະຍາ ຕາມລຳດັບ ສ່ວນອີກທິດສະດີເຊື່ອວ່າອົບພະຍົບມາຈາກທາງໃຕ້ຈາກຊະວາ ສຸມາດຕາແລະຄາບສະໝຸດມະລາຍູ ແຕ່ນັກມານຸດວິທະຢາໃນປັດຈຸບັນເຊື່ອກັນວ່າ ກຸ່ມຊາດພັນໄທ-ກະໄດ ຢູ່ທີ່ບໍລິເວນຈີນຕອນໃຕ້ເລື່ອຍມາຈົນຮອດລັດສານ (ປະເທດພະມ້າ) ປະເທດໄທຕອນເທິງ ແລະແອ່ງທີ່ຣາບລຸ່ມພາກອີສານເລື່ອຍໄປຍັງປະເທດລາວ ຫຼັງຈາກນັ້ນຈຶງມີການອົບພະຍົບຕື່ມ ເຊັ່ນກຸ່ມຊາວອາຫົມ ທີ່ອົບພະຍົບຂ້າມຊ່ອງປາດໄກ່ໄປຍັງອັດສັມແລະຊາວໄທແດງທີ່ອົບພະຍົບໄປຕັ້ງຖິ່ນຖານບໍລິເວນອານາຈັກສິບສອງຈຸໄທ
ກ່ອນໜ້ານີ້ທີ່ປະເທດໄທຍັງເປັນສະຫຍາມຢູ່ໄດ້ມີຜູ້ຄົນຈາກຫຼາກຫຼາຍເຊື້ອຊາດມາອາໄສຢູ່ຮວມກັນເປັນເວລາດົນແລ້ວ ເຊັ່ນ ຊາວເປີເຊຍໃນແຖບອະຍຸທະຍາ ຊາວມັກກະຊາໃນເຂດມັກກະສັນ ຊາວຈີນ ຝະລັ່ງ ລາວ ມອນ ຯລຯ ຈຶງເຮັດໃຫ້ແທບຈະບໍ່ມີໄທແທ້ຫຼົງເຫຼືອຢູ່ ເນື່ອງຈາກການປະສົມກົມກືນກັນຈາກຜູ້ຄົນຕ່າງເຊື້ອຊາດຄົນສ່ວນໃຫຍ່ຈຶງເປັນໄທສະຫຍາມຫຼາຍກວ່າທີ່ຈະເປັນໄທແທ້
ກໍລະນີນີ້ ສຸຈິດ ວົງເທດ ນັກວິຊາການດ້ານປະຫວັດສາດໃຫ້ຄວາມເຫັນວ່າ ບຸກຄົນທີ່ເປັນໄທສະຫຍາມໃນທຸກວັນນີ້ ບໍ່ແມ່ນສາຍເລືອດບໍລິສຸດ ຫາກແຕ່ເປັນເຜົ່າພັນທີ່ມີການຜະສົມກັບກຸ່ມຊົນພື້ນເມືອງແລະຕ່າງຖິ່ນໂດຍສຸຈິດໃຫ້ຄວາມເຫັນວ່າ ຫາກຈະສຶກສາເລື່ອງປະຫວັດສາດຊາດພັນຕ້ອງເລາະເສ້ນເຂດແດນອອກຈາກແຜນທີ່ເສຍກ່ອນ ເພາະໃນອະດີດຜູ້ຄົນມີການຕິດຕໍ່ສັນຈອນເຖິງກັນໂດຍຕະຫຼອດແລະເກີດພັດທະນາການທາງສັງຄົມສືບເຊື້ອສາຍມາຈົນຮອດປັດຈຸບັນ ດັງນັ້ນ ໄທສະຫຍາມຈຶງບໍ່ແມ່ນຊາດພັນທີ່ບໍລິສຸດ ທີ່ອົບພະຍົບລົງມາຈາກເທືອກເຂົາອັນໄຕຫຼືຍູນນານ ຫຼືໝູ່ເກາະທະເລໃຕ້ ຢ່າງທີ່ນັກວິຊາການສາຍຊາດນິຍົມ ຫຼືຕຳລາຮຽນສັງຄົມສຶກສາກ່າວໄວ້
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
